ವಸ್ತುಪ್ರದರ್ಶನದಲ್ಲೂ ಸಡಗರ:
ದಸರಾ ವಸ್ತುಪ್ರದರ್ಶನಕ್ಕೂ ಮಕ್ಕಳ ಸೇನೆ ಭೇಟಿ ನೀಡಿ ಸಂಭ್ರಮಿಸಿತು. ಮಕ್ಕಳಿಗಾಗಿ ಬೆಳಗ್ಗೆ 10ರಿಂದ ಮಧ್ಯಾಹ್ನ 3ರ ವರೆಗೆ ಉಚಿತ ಪ್ರವೇಶಾವಕಾಶದ ವ್ಯವಸ್ಥೆ ಮಾಡಲಾಗಿತ್ತು.
ಇಲ್ಲಿರುವ ವಿವಿಧ ಇಲಾಖೆ, ಜಿಲ್ಲಾ ಪಂಚಾಯಿತಿ, ನಿಗಮ ಮಂಡಳಿಗಳ ಮಳಿಗೆಗಳು, ವಾಣಿಜ್ಯ ಮಳಿಗೆಗಳು, ತಿಂಡಿ ತಿನಿಸು ಮಳಿಗೆಗಳಿಗೆ ಭೇಟಿ ನೀಡಿದ್ದರು. ಗುಂಪು ಗುಂಪಾಗಿ ತಮ್ಮ ಗೆಳೆಯರೊಂದಿಗೆ ಬಂದ ವಿದ್ಯಾರ್ಥಿಗಳು ಇಲ್ಲಿಯ ವಾಣಿಜ್ಯ ಮಳಿಗೆಗಳಲ್ಲಿ ಮಾರಾಟ ಮಾಡುವ ವಸ್ತುಗಳನ್ನು ಖರೀದಿಸಿದರು. ವಿದ್ಯಾರ್ಥಿನಿಯರು ಬಳೆ, ಓಲೆ, ಪಾದರಕ್ಷೆಗಳು, ಬಟ್ಟೆ, ಆಟಿಕೆ ಸಾಮಗ್ರಿ ಖರೀದಿಸುವುದಲ್ಲಿ ಮಗ್ನರಾಗಿದ್ದರು. ಬಳಿಕ ವಸ್ತು ಪ್ರದರ್ಶನದಲ್ಲಿದ್ದ ಆಟಿಕೆಗಳ ಮೇಲೆ ಸವಾರಿ ಮಾಡಿ ಕುಣಿದು ಕುಪ್ಪಳಿಸಿದರು.
