ಘಟನೆಯ ವಿವರ: ಜೋಶ್ ಮತ್ತು ನತಾಶಾ ಮದುವೆ ನಿಶ್ಚಯವಾಗಿತ್ತು. ಫೋಟೋ ಶೂಟ್ಗಾಗಿ ಸ್ನೇಹಿತರೊಂದಿಗೆ ಸೇರಿ ಇಬ್ಬರೂ ಮಲಪ್ರಭಾ ಕಾಲುವೆ ಬಳಿ ಬಂದಿದ್ದರು. ಸೇತುವೆ ಬಳಿ ನಿಂತು ಫೋಟೋ ತೆಗೆದುಕೊಳ್ಳುತ್ತಿರುವಾಗ ಏಕಾಏಕಿ ಹೆಜ್ಜೇನು ದಾಳಿ ನಡೆಸಿವೆ. ಹೆಜ್ಜೇನಿನಿಂದ ರಕ್ಷಿಸಿಕೊಳ್ಳಲು, ಜೋಶಿ, ಸನ್ನಿ, ಗಜಾನನ ಹಾಗೂ ನತಾಶಾ ಸೇತುವೆ ಮೇಲಿಂದ ನೀರಿಗೆ ಹಾರಿದ್ದಾರೆ. ಪಕ್ಕದಲ್ಲೇ ಇದ್ದ ಕುರಿಗಾಹಿಗಳು ನೀರಿಗೆ ಜಿಗಿದು ನತಾಶಾಳನ್ನು ರಕ್ಷಿಸಿದ್ದಾರೆ. ಉಳಿದ ಮೂವರು ನೀರು ಪಾಲಾಗಿದ್ದಾರೆ. ಸಲ್ಮಾನ್ ನೀರಿಗೆ ಹಾರದೆ ಪಾರಾಗಿದ್ದಾನೆ. ಸ್ಥಳಕ್ಕೆ ಗ್ರಾಮೀಣ ತಹಸೀಲ್ದಾರ್ ಪ್ರಕಾಶ ನಾಶಿ, ಡಿವೈಎಸ್ಪಿ ಎಂ.ಬಿ. ಸಂಕದ, ಗ್ರಾಮೀಣ ಇನ್ಸ್ಪೆಕ್ಟರ್ ರಮೇಶ ಗೋಕಾಕ ಹಾಗೂ ಸಿಬ್ಬಂದಿ ಭೇಟಿ ನೀಡಿ ಪರಿಶೀಲಿಸಿದರು. ಅಗ್ನಿಶಾಮಕ ಸಿಬ್ಬಂದಿ ನೀರು ಪಾಲಾದವರಿಗಾಗಿ ರಾತ್ರಿವರೆಗೆ ಹುಡುಕಾಟ ನಡೆಸಿದರು.
