ಮೂವರು ಟ್ರ್ಯಾಕ್ಟರ್​ ಕಳ್ಳರ ಬಂಧನ

ಕಲಬುರಗಿ: ಹಾಗರಗುಂಡಗಿ ಗ್ರಾಮದಲ್ಲಿ ನಡೆದ ಟ್ರಾ$್ಯಕ್ಟರ್​ ಕಳ್ಳತನ ಪ್ರಕರಣದ ಬೆನ್ನತ್ತಿದ್ದ ರಹತಾಬಾದ್​ ಪೊಲೀಸರು ಮೂವರು ಕಳ್ಳರನ್ನು ಬಂಧಿಸಿದ್ದು, ವಿವಿಧೆಡೆ ಕಳ್ಳತನ ಮಾಡಿದ ಮೂರು ಟ್ರಾ$್ಯಕ್ಟರ್​ಗಳನ್ನು ವಶಕ್ಕೆ ಪಡೆದಿದ್ದಾರೆ.

ಅಜಲಪುರ ತಾಲೂಕಿನ ಹಸರಗುಂಡಗಿಯ ರಿಯಾಜ್​ ಪಟೇಲ್​(೨೫), ರಹತಾಬಾದ್​ ಗ್ರಾಮದ ರಾಜಶೇಖರ ಮಂದರವಾಡ(೨೦), ಬಂದರವಾಡ ಗ್ರಾಮದ ನಾಗರಾಜ ಬಾಲಮಾರ್​ (೨೫) ಬಂಧಿತ ಆರೋಪಿಗಳು.

೨೦೨೫ ಮಾ.೧೪ರಂದು ಹಾಗರಗುಂಡಗಿಯಲ್ಲಿ ಗುಂಡಪ್ಪ ನಿಲೂರ ಅವರ ಟ್ರಾ$್ಯಕ್ಟರ್​ ಜಮೀನಿನಲ್ಲಿದ್ದಾಗ ಕಳ್ಳತನ ಮಾಡಲಾಗಿತ್ತು. ಪ್ರಕರಣದ ಬೆನ್ನತ್ತಿದ್ದ ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದು, ಬಂಧಿತರಿಂದ ೧೧.೫೦ ಲಕ್ಷ ರೂ. ಮೌಲ್ಯದ ಮೂರು ಟ್ರಾ$್ಯಕ್ಟರ್​ಗಳನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.

ಟ್ರಾ$್ಯಕ್ಟರ್​ ಕಳ್ಳತನ ತನಿಖೆಯಲ್ಲಿ ಎಸಿಪಿ ಡಿ.ಜಿ.ರಾಜಣ್ಣ ನೇತೃತ್ವದಲ್ಲಿ ಪಿಐ ಮಲ್ಲಿಕರ‍್ಜುನ ಇಕ್ಕಳಗಿ, ಸಿಬ್ಬಂದಿ ಗಡ್ಡೆಪ್ಪ ಕೋರೆ, ತುಕಾರಾಮ, ಕಲ್ಯಾಣಕುಮಾರ, ಸಾಜೀದ್​ಪಾಶಾ, ಆನಂದ, ಎಂ.ಆರ್​.ಪಟೇಲ್​, ಸಂಗೀತಾ ಕಲ್ಲನ ಅವರ ತಂಡ ಕರ‍್ಯಾಚರಣೆ ನಡೆಸಿ, ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಪೊಲೀಸ್​ ಅಧಿಕಾರಿ, ಸಿಬ್ಬಂದಿ ಕರ‍್ಯಕ್ಕೆ ನಗರ ಪೊಲೀಸ್​ ಆಯುಕ್ತ ಡಾ.ಶರಣಪ್ಪ ಎಸ್​.ಡಿ. ಶ್ಲಾಘಿಸಿದ್ದಾರೆ.

ಸ್ಕ್ರಾಪ್​ಗೆ, ರೈತರಿಗೆ ಮಾರಾಟಕ್ಕೆ ಯತ್ನ: ಕಳ್ಳತನ ಮಾಡಿದ ಟ್ರ‍್ಯಾಕ್ಟರ್​ಗಳನ್ನು ಕಳ್ಳರು ಕಲಬುರಗಿ ನಗರದಲ್ಲಿ ಸ್ಕ್ರಾಪ್​ ಮಾಡಲು ನೀಡಿದ್ದರು. ಅಲ್ಲದೇ ಇನ್ನೆರಡು ಟ್ರಾ$್ಯಕ್ಟರ್​ಗಳನ್ನು ರೈತರಿಗೆ ಮಾರಾಟಕ್ಕೆ ಮುಂದಾಗಿದ್ದರು. ಮಾರಾಟದ ಮಾರುಕತೆ ಆಗಿತ್ತು. ವ್ಯಾಪಾರ ಕುದುರಿಸುವ ಮುನ್ನವೇ ಪೊಲೀಸರು ಕರ‍್ಯಾಚರಣೆ ನಡೆಸಿ, ಬಂಧಿಸಿದ್ದಾರೆ. ಒಂದು ಪ್ರಕರಣ ರಹತಾಬಾದ್​ ಠಾಣೆ ವ್ಯಾಪ್ತಿಯ ಹಾಗರಗುಂಡಗಿಯಲ್ಲಿ, ಇನ್ನೆರಡು ಟ್ರಾ$್ಯಕ್ಟರ್​ ಕಳ್ಳತನ ಪ್ರಕರಣ ಅಜಲಪುರ ತಾಲೂಕಿನ ದೇವಲಗಾಣಗಾಪುರ ಠಾಣೆ ವ್ಯಾಪ್ತಿಯ ಬಂದರವಾಡದಲ್ಲಿ ನಡೆದಿದ್ದವು. ಪ್ರಕರಣದ ಬೆನ್ನತ್ತಿದ್ದ ರಹತಾಬಾದ್​ ಪೊಲೀಸರಿಗೆ ಅಜಲಪುರ ತಾಲೂಕಿನ ಚಿಣಮಗೇರಿ ಕ್ರಾಸ್​ ಬಳಿ ಕಳ್ಳರನ್ನು ಅನುಮಾನದ ಮೇಲೆ ಬಂಧಿಸಿ, ವಿಚಾರಿಸಿದಾಗ ಕಳ್ಳತನ ಹೊರಬಂದಿದೆ ಎಂದು ಪೊಲೀಸರು ತಿಳಿಸಿದರು.