ಮಾರ್ಚ್ನಿಂದ ಪ್ರತಿವಾರ ಒಂದು ಅಥವಾ ಎರಡು ದಿನದಂತೆ ನಿರಂತರವಾಗಿ ಮಳೆಯಾಗಿದೆ. ಕಾಫಿ ಕೊಯ್ಲಿನ ನಂತರ ಬೆಳೆಗಾರರು ತೋಟಕ್ಕೆ ನೀರಾಯಿಸಬೇಕಿತ್ತು. ಕೆಲ ತೋಟದ ಮಾಲೀಕರು ಮಾತ್ರ ನೀರು ಹಾಯಿಸಿದ್ದರು. ಅದೇ ವೇಳೆ ಸುರಿದ ಮಳೆಯಿಂದ ಕಾಫಿ ಗಿಡಗಳಲ್ಲಿ ಹೂವು ಅರಳಿದೆ. ಹೂವು ಅರಳಿದ 15 ದಿನದ ಬಳಿಕ ಮತ್ತೊಮ್ಮೆ ಕಾಫಿ ತೋಟಕ್ಕೆ ನೀರು ಹಾಯಿಸಬೇಕು. ಆಗಲೂ ಮಳೆಯಾದ್ದರಿಂದ ಬೆಳೆಗಾರರಿಗೆ ವರದಾನವಾಗಿದೆ. ಕಳೆದ ವರ್ಷ ಜೂನ್ ಮಧ್ಯದವರೆಗೂ ಮಳೆಯಾಗಿರಲಿಲ್ಲ. ತೋಟದ ಮಾಲೀಕರು ನದಿಯಿಂದ ನೀರಾಯಿಸುತ್ತಿದ್ದ ಕಾರಣ ಹೇಮಾವತಿ, ಜಪಾವತಿ, ಸುಣ್ಣದಹಳ್ಳ, ಸುಂಡೆಕೆರೆ ಹಳ್ಳ ಸೇರಿದಂತೆ ಎಲ್ಲ ನದಿಗಳು ಬತ್ತಿ ಹೋಗಿದ್ದವು. ಈ ಬಾರಿ ಯಾವ ನದಿಗಳೂ ಬತ್ತಿಲ್ಲ. ಈಗ ಮಳೆ ಹೆಚ್ಚಾಗಿದ್ದರಿಂದ ನದಿಗಳಲ್ಲಿ ನೀರಿನ ಮಟ್ಟ ಹೆಚ್ಚಾಗಿದೆ.
