ತಾಲೂಕಿನ ಕಮರವಾಡಿ ಗ್ರಾಮದ ನಿವಾಸಿ ಬಸವಣ್ಣ(50) ಮೃತ. ಜಾತ್ರೆಯ ಅಂಗವಾಗಿ ಕಮರವಾಡಿ ಗ್ರಾಮದಲ್ಲಿ ಸೋಮವಾರ ಬಂಡಿಯನ್ನು ಸಿಂಗಾರ ಮಾಡಿ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ಮಾಡಲಾಯಿತು. ನಂತರ ಮೂಗೂರಿನ ಅಮ್ಮನವರ ದೇವಸ್ಥಾನದಲ್ಲಿ ಪ್ರದಕ್ಷಿಣೆ ಹಾಕಿಸಲಾಗುತ್ತದೆ. ಈ ವೇಳೆ ಕಮರವಾಡಿ ಗ್ರಾಮದ ಬಸವಣ್ಣ ಮತ್ತು ಮಂಜುನಾಥ ಅವರು ಎತ್ತಿನ ನೊಗ ಹಿಡಿದು ಜತೆಯಲ್ಲೇ ಓಡುತ್ತಿದ್ದರು. ಎತ್ತಿನ ಹಗ್ಗ ಬಿಚ್ಚಿ, ನೊಗ ಕಳಚಿದಾಗ ಬಸವಣ್ಣ ಕೆಳಗೆ ಬಿದ್ದರು. ಆತನ ಮೇಲೆ ಬಂಡಿ ಹರಿದು ಸ್ಥಳದಲ್ಲೇ ಮೃತಪಟ್ಟರು. ಈ ಸಂದರ್ಭ ಮಂಜುನಾಥಗೆ ಗಂಭೀರ ಗಾಯಗಳಾಗಿವೆ. ಮೃತದೇಹವನ್ನು ಶವ ಪರೀಕ್ಷೆಗಾಗಿ ಚಾಮರಾಜನಗರ ವೈದ್ಯಕೀಯ ಆಸ್ಪತ್ರೆಗೆ ರವಾನಿಸಲಾಗಿದೆ ಎಂದು ಸಂತೇಮರಹಳ್ಳಿ ಠಾಣೆ ಪೊಲೀಸರು ತಿಳಿಸಿದ್ದಾರೆ.
