ಮುಳುಗಡೆ ಸಂತ್ರಸ್ತರಿಗೆ ಮತ್ತೆ ಆತಂಕ

15 ಕುಟುಂಬಗಳಿಗೆ ನೋಟಿಸ್ ಈಗಾಗಲೇ ಜಾಗ ತೆರವು ಮಾಡಲು 15 ಕುಟುಂಬಗಳಿಗೆ ನೋಟಿಸ್ ನೀಡಲಾಗಿದೆ. ಇದು ಜೋಗ-ಕಾರ್ಗಲ್ ಪಟ್ಟಣ ಪಂಚಾಯಿತಿ ವ್ಯಾಪ್ತಿಯಲ್ಲಿದ್ದು, ಮನೆಗಳಿಗೆ ಹಕ್ಕುಪತ್ರವನ್ನೂ ಹೊಂದಿದ್ದಾರೆ. ಜತೆಗೆ ಹೊಲ, ಗದ್ದೆ, ತೋಟಗಳಿಗೆ ಕೆಲವರ ಬಳಿ ಖಾತೆ ಇದೆ. ಆದರೆ ಹೆಚ್ಚಿನ ಪಾಲು ಬಗರ್‌ಹುಕುಂ ಸಾಗುವಳಿ ಭೂಮಿಯಾಗಿದ್ದು, ವಿವಿಧ ಬೆಳೆಗಳನ್ನು ಬೆಳೆದಿದ್ದಾರೆ. ಖಾತೆ ಹೊಂದಿರುವ ಜಾಗ 8 ಎಕರೆ 32ಗುಂಟೆ ಮಾತ್ರ. ಸರ್ಕಾರ ಇದಕ್ಕೂ ನೋಟಿಸ್ ನೀಡಿದೆ. ಈ ಬೆಳವಣಿಗೆಗೆ ಪೂರಕವಾಗಿ ಉಪ ವಿಭಾಗಾಕಾರಿ ಮೂರು ಬಾರಿ ಗ್ರಾಮಸ್ಥರ ಸಭೆಗಳನ್ನು ನಡೆಸಿದ್ದಾರೆ. ಭೂದಾಖಲೆಗಳನ್ನು ಸಲ್ಲಿಸುವಂತೆ ಹಾಗೂ ಸಂತ್ರಸ್ತರ ಬೇಡಿಕೆಗಳನ್ನು ಆಲಿಸಲಾಗಿದೆ. ಇತ್ತೀಚೆಗೆ ಶಾಸಕ ಗೋಪಾಲಕೃಷ್ಣ ಬೇಳೂರು ಮತ್ತು ಡಿಸಿ ಗುರುದತ್ತ ಹೆಗಡೆ ಅವರು ಗ್ರಾಮಸ್ಥರ ಸಭೆ ನಡೆಸಿ ಸೂಕ್ತ ಪರಿಹಾರ ಕಲ್ಪಿಸುವುದಾಗಿ ಅಭಯ ನೀಡಿದ್ದಾರೆ. ಇಲ್ಲಿನ ನಿವಾಸಿಗಳು ಮನೆ, ಹೊಲ, ಗದ್ದೆ, ತೋಟ ಕಟ್ಟಿಕೊಂಡು ಜಾನುವಾರುಗಳನ್ನು ಸಾಕಣೆ ಮಾಡಿದ್ದಾರೆ. ಪ್ರಮುಖವಾಗಿ ಭತ್ತ, ಅಡಕೆ, ಗೇರು, ಮಾವು, ಕಾಳುಮೆಣಸು, ಏಲಕ್ಕಿ, ವೆನಿಲ್ಲಾ, ತೆಂಗು ಬೆಳೆಗಳನ್ನು ಬೆಳೆದಿದ್ದಾರೆ. ಇದೀಗ ತೆರವಿನ ಆತಂಕಕ್ಕೆ ಸಿಲುಕಿದ್ದಾರೆ. ಆತಂಕದಲ್ಲಿರುವ ಮರಾಠಿ ಕೇರಿ ಕುಟುಂಬಗಳು ಮಂಜುನಾಥ, ಚಂದು, ಸಂತೋಷ್, ಗೋವಿಂದ, ಹರಿನಾರಾಯಣ, ತಿಮ್ಮಯ್ಯ, ಶ್ರೀಧರ, ರಾಮ, ಗಣಪತಿ, ಲಕ್ಷ್ಮಣ, ಜಿ.ಜಿ.ರಾಜು, ಮಂಜಯ್ಯ. ತಳಕಳಲೆ ಯೋಜನೆ ಸಂದರ್ಭ ಮುಳುಗಡೆಗೊಂಡು ಹಿಂದೆ ಅಪ್ಪ, ತಾತನ ಕಾಲದಲ್ಲಿ ಪುನರ್ವಸತಿಯಿಂದ ಇಲ್ಲಿಗೆ ಬಂದು ನೆಲೆನಿಂತವರು ನಾವು. ಇದೀಗ ಮತ್ತೆ ನಮಗೆ ಜಾಗ ಖಾಲಿ ಮಾಡುವ ಭೀತಿ ಎದುರಾಗಿದೆ. ನಮ್ಮ ಮಕ್ಕಳ ಭವಿಷ್ಯದ ದೃಷ್ಟಿಯಿಂದ ಬೇರೆಡೆ ಬದುಕು ಕಟ್ಟಿಕೊಳ್ಳಲು ಸೂಕ್ತ ಜಾಗ ಕಲ್ಪಿಸಬೇಕು. ಕುಟುಂಬದಲ್ಲಿನ ಒಬ್ಬರಿಗೆ ಉದ್ಯೋಗ ಒದಗಿಸಬೇಕು. ಬಗರ್‌ಹುಕುಂ ಮತ್ತು ಖಾತೆ ಜಾಗದಲ್ಲಿ ಬೆಳೆದ ಬೆಳೆಗಳಿಗೆ ವೌಲ್ಯಾನುಸಾರ ಪರಿಹಾರ ಕಲ್ಪಿಸಬೇಕು. ಮಂಜುನಾಥ ಮರಾಠಿ, ನಿವಾಸಿ ನಮಗೆ ನ್ಯಾಯ ದೊರಕಬೇಕು. ನಾವು ಈಗಾಗಲೇ ಸರ್ಕಾರದ ಮಟ್ಟದಲ್ಲಿ ನಮ್ಮ ಬೇಡಿಕೆಯನ್ನು ಮುಂದಿಟ್ಟಿದ್ದೇವೆ. ಆ ನಿಟ್ಟಿನಲ್ಲಿ ನಮ್ಮ ಕ್ಷೇತ್ರದ ಶಾಸಕ ಗೋಪಾಲಕೃಷ್ಣ ಬೇಳೂರು ಅವರ ಮೇಲೆ ವಿಶ್ವಾಸ ಇರಿಸಿದ್ದೇವೆ. ಸಂತೋಷ್ ಮರಾಠಿ, ನಿವಾಸಿ