ಸೋಮವಾರ ರಾತ್ರಿ 10 ಗಂಟೆಗೆ ಗ್ರಾಮದ ಸುಗ್ಗಿಕಟ್ಟೆಯಲ್ಲಿ ಅಡೆ ದೇವರುಗಳಾದ ಸುಗ್ಗಿಯಮ್ಮ, ಕೆಂಚಮ್ಮ, ದೇವಿರಮ್ಮನವರ ಸುಗ್ಗಿ ಉತ್ಸವವನ್ನು ವಿಜೃಂಭಣೆಯಿಂದ ಜರುಗಿತು. ಮಂಗಳವಾರ ಮುಂಜಾನೆ 4 ಗಂಟೆಯಿಂದ ಸುಗ್ಗಿಕಟ್ಟೆಯಲ್ಲಿ ಕುದುರೆ ಕುಣಿತ, ಕೀಲು ಕುದುರೆ, ಬಿಲ್ಲು ಕುಣಿತ, ಮಾಲು ಕುಣಿತ ಪ್ರದರ್ಶನ ಗಮನ ಸೆಳೆಯಿತು. ಬೆಳಗ್ಗೆ 7 ಗಂಟೆಗೆ ಸುಗ್ಗಿ ಉತ್ಸವದ ಅಡೆ ದೇವರುಗಳಿಗೆ ಮಹಾಮಂಗಳಾರತಿ, ಪೂಜೆ ನೆರವೇರಿತು. ಬಳಿಕ ಕೆಂಡೋತ್ಸವ ಜರುಗಿತು. ಬೆಳಗ್ಗೆ 10 ಗಂಟೆಗೆ ಸುಗ್ಗಿಕಟ್ಟೆಯಿಂದ ಅಡೆ ದೇವರುಗಳನ್ನು ಗ್ರಾಮದ ಶ್ರೀ ವೀರಭದ್ರೇಶ್ವರ ದೇವಸ್ಥಾನಕ್ಕೆ ತಂದು ದೇವಸ್ಥಾನದಲ್ಲಿ ಪೂಜೆ ನೆರವೇರಿಸುವ ಮೂಲಕ ಸುಗ್ಗಿ ಉತ್ಸವ ಸಂಪನ್ನಗೊಂಡಿತು.
