ಮಾ.೭ ರಂದು ಬೆಳಗ್ಗೆ ೫ ಗಂಟೆಗೆ ಕಿಲ್ಲಾ ಓಣಿಯಲ್ಲಿ ಕಾಮ ದಹನಕ್ಕೆ ಚಾಲನೆ ನೀಡಲಾಗುತ್ತದೆ. ಅಂದು ಬೆಳಗ್ಗೆ ೧೦ ಗಂಟೆಗೆ ಸಂಜೆ ೬ ಗಂಟೆ ವರೆಗೆ ಹಳಪೇಟ, ಜೈನಪೇಟ, ವೆಂಕಟಪೇಟ ಸೇರಿದಂತೆ ವಿವಿಧೆಡೆ ಕಾಮ ದಹನ ನಡೆಯಲಿದೆ. ಮಾ.೮ ರಂದು ಬೆಳಗ್ಗೆ ೧೦ ಗಂಟೆಗೆ ವಿದ್ಯಾಗಿರಿ ನವನಗರದಲ್ಲಿ ಬಣ್ಣದಾಟ, ಮಾಧ್ಯಾಹ್ನ ೨ ಗಂಟೆಗೆ ಕಿಲ್ಲಾ ಓಣಿಯ ಬಣ್ಣದಾಟ ಜರುಗಲಿದೆ. ಮಾ.೯ ರಂದು ಹಳೇಪೇಟ, ಜೈನಪೇಟ, ವೆಂಕಟಪೇಟೆ, ಮಾ.೧೦ ರಂದು ಹೊಸಪೇಟ ಬಣ್ಣದಾಟ ನಡೆಯಲಿದೆ. ಅಲ್ಲದೆ ಮಾ.೭ ರಂದು ಕಿಲ್ಲಾ, ಮಾ.೮ ರಂದು ಹಳಪೇಟ, ಮಾ.೯ ರಂದು ಹೊಸಪೇಟ, ಮಾ.೧೦ ರಂದು ಜೈನಪೇಟ, ಮಾ.೧೧ ರಂಧು ವೆಂಕಟಪೇಟ ಓಣಿಯ ಸೊಗಿನ ಬಂಡಿಗಳ ಮೆರವಣಿಗೆ ಜರುಗಲಿದೆ ಎಂದು ಸಮಿತಿ ಅಧ್ಯಕ್ಷ ಕಳಕಪ್ಪ ಬಾದವಾಡಗಿ, ಪ್ರಧಾನ ಕಾರ್ಯದರ್ಶಿ ಮಹಾಬಳೇಶ್ವರ ಗುಡಗುಂಟಿ, ಸಂಘಟನಾ ಕಾರ್ಯದರ್ಶಿ ಸಂಜೀವ ವಾಡಕರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
