ಮಾ.21, 22ರಂದು ಉಡಿಗಾಲದಲ್ಲಿ ಹಬ್ಬ

ಚಾಮರಾಜನಗರ: ತಾಲೂಕಿನ ಉಡಿಗಾಲ ಗ್ರಾಮದಲ್ಲಿ ಮಾ.21 ಮತ್ತು 22ರಂದು ಪಟ್ಟಲದಮ್ಮ ಜಾತ್ರ ನಡೆಯಲಿದೆ.

ಮಾ.21ರಂದು ಮಧ್ಯಾಹ್ನ 3.30ಕ್ಕೆ ಬಂಡಿ ಉತ್ಸವ, ರಾತ್ರಿ 10 ಗಂಟೆಗೆ ಪಟ್ಟಲದಮ್ಮನ ಕೇಲು, ರಾತ್ರಿ 12 ಗಂಟೆಗೆ ಮದ್ದಿನ ಪ್ರದರ್ಶನ ನಡೆಯಲಿದೆ. ಮಾ.22ರಂದು ಬೆಳಗಿನ ಜಾವ 5 ಗಂಟೆಗೆ ಕೊಂಡೋತ್ಸವ, 7.30ಕ್ಕೆ ಪಟ್ಟಲದಮ್ಮನ ಉತ್ಸವ ಮೂರ್ತಿಗಳನ್ನು ಕುದುರೆ ವಾಹನದ ಮೇಲೆ ಇಟ್ಟು ಊರಿನ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ಮಾಡಲಾಗುವುದು. ಬಳಿಕ ಬೃಹತ್ ರಥದ ಮೇಲೆ ಕೂರಿಸಿ ರಥೋತ್ಸವ ನಡೆಸಲಾಗುವುದು ಎಂದು ಪಟ್ಟಲದಮ್ಮ ಜಾತ್ರಾ ಸಮಿತಿ ಅಧ್ಯಕ್ಷರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.