2019ರಲ್ಲಿ ಪಿಎಎಸ್ಐ ಹುದ್ದೆಗೆ ಅರ್ಜಿ ಆಹ್ವಾನಿಸಲಾಗಿತ್ತು. 5 ವರ್ಷ ಪೂರ್ಣಗೊಳ್ಳದ ಕಾರಣ ಭಾರತಿ ಅವರಿಗೆ ಇನ್ಸರ್ವೀಸ್ ಮೀಸಲಾತಿ ಇರಲಿಲ್ಲ. ಹೀಗಾಗಿ ಪದವೀಧರರಿಗೆ ಸ್ಪರ್ಧೆಯೊಡ್ಡಿ, ಯಶಸ್ಸು ಗಳಿಸಿದ್ದಾರೆ!. ಭಾರತಿ ನೇಮಕಕ್ಕೂ ಮೊದಲೇ ಅವರ ಸಹೋದರಿ ಬೆಂಗಳೂರಿನಲ್ಲಿ ಪೊಲೀಸ್ ಕಾನ್ಸ್ಟೇಬಲ್ ಆಗಿದ್ದರು. ಹಾಗಾಗಿ ಇವರೂ ಪ್ರಯತ್ನ ಮಾಡಿ ಪೊಲೀಸ್ ಆದರು. ಈಗ ಪಿಸಿಯಿಂದ ಪಿಎಸ್ಐ ಹುದ್ದೆಗೆ ಜಿಗಿದಿದ್ದಾರೆ. ತಂದೆ- ತಾಯಿ ಕೃಷಿಕರು. ಪತಿ ಖಾಸಗಿ ನೌಕರಿ ಮಾಡಿಕೊಂಡಿದ್ದು, ಸಹೋದರ ಭಾರತೀಯ ಸೇನೆಯಲ್ಲಿದ್ದಾನೆ. ಗೃಹಿಣಿಯಾಗಿ, 7 ವರ್ಷದ ಮಗಳಿದ್ದರೂ ನಿರಂತರ ಓದಿಗೆ ಕುಟುಂಬದವರೆಲ್ಲರ ಸಹಕಾರ ದೊರೆಯಿತು. ಇಲ್ಲಿಗೆ ಓದು ನಿಲ್ಲಿಸಿದೆ ಕೆಎಎಸ್ ತೇರ್ಗಡೆಯಾಗಿ ಎಸಿಪಿಯಾಗಬೇಕು ಎಂಬ ಆಸೆಯಿದೆ ಎಂದು ಭಾರತಿ ಅನಿಸಿಕೆ ಹಂಚಿಕೊಂಡರು.
