ಇಡೀ ಜಗತ್ತು ಈಶ್ವರ ಸ್ವರೂಪವಾಗಿರುವುದರಿಂದ ಜೀವಸೇವೆ ಎಂಬುದು ಈಶಸೇವೆ. ಜೀವದಯೆ ತೋರುವುದಲ್ಲ, ಜೀವಸೇವೆ ಮಾಡಬೇಕು. ನಮ್ರತೆಯಿಂದ ಮಾಡಿದಾಗ ಸೇವೆಯೇ ಪೂಜೆಯಾಗುತ್ತದೆ. ಸೇವೆಯಲ್ಲಿ ತೊಡಗಿದಾಗ ಅಹಂಕಾರ ಪಡಬಾರದು, ಧನ್ಯತಾಭಾವ ಮೂಡಬೇಕು ಎಂದರು. ಆಗ ಭಗವಂತನೇ ಕೈಹಿಡಿದು ಗುರಿಯೆಡೆಗೆ ಕರೆದೊಯ್ಯುತ್ತಾನೆ. ಶ್ರೀಮಾತೆ ಶ್ರೀಶಾರದಾದೇವಿಯವರ 172ನೇ ಜನ್ಮದಿನೋತ್ಸವ ಸಂದರ್ಭದಲ್ಲಿ ಶ್ರೀಮಾತೆಯವರ ಆದರ್ಶ ಜೀವನ ಕೇವಲ ಬೌದ್ಧಿಕವಾಗಿ ಅಧ್ಯಯನ ಮಾಡುವುದಲ್ಲ, ನಮ್ಮ ಚಾರಿತ್ರ ವಿಕಾಸಕ್ಕಾಗಿ, ಆಧ್ಯಾತಿಕ ವಿಕಾಸಕ್ಕಾಗಿ ಮಾಡಬೇಕು. ಅವರ ಪೂರ್ಣ ಜೀವನವೇ ಒಂದು ಆದರ್ಶ. ಶ್ರೀಮಾತೆಯವರ ಅಸೀಮ ಕರುಣೆ ಕೇವಲ ಮನುಷ್ಯರೆಡೆಗೆ ಮಾತ್ರವಲ್ಲ, ಪಾಣಿಗಳೆಡೆಗೂ ಹರಿಯುತ್ತಿತ್ತು. ಗೃಹವೆಂಬುದು ಭಗವಂತನ ನಿವಾಸ, ನಿತ್ಯ ಜೀವನದಲ್ಲಿ ಜಡವಸ್ತುಗಳಿಗೂ ಗೌರವಕೊಡುವುದನ್ನು ತೋರಿಸಿಕೊಟ್ಟರು ಎಂದರು.
