ನಗರ ಹಾಗೂ ಗ್ರಾಮೀಣ ಭಾಗದಲ್ಲಿ ಇರುವ ಬುದ್ಧಿಮಾಂದ್ಯ ಮಕ್ಕಳ ಮನೆಗಳಿಗೆ ಮುಖ್ಯ ಶಿಕ್ಷಕಿ ನರ್ಮದಾ ಹಾಗೂ ಸಹಶಿಕ್ಷಕಿಯರಾದ ಗೀತಾ, ಶ್ಯಾಮಲಾ, ಸುಮಿತ್ರಾ ಅವರು ತೆರಳಿ ಪಾಠ ಪ್ರಾರಂಭಿಸಿದ್ದಾರೆ. ಯೋಗ, ಭಜನೆ, ಹಾಡು, ಸ್ಪೀಚ್ಥೆರಫಿ, ಫಿಜಿಯೋಥೆರಫಿ ಸೇರಿದಂತೆ ವಿವಿಧ ಕಲಿಕೆ ಆರಂಭಿಸಿದ್ದಾರೆ. ಬುದ್ಧಿಮಾಂದ್ಯ ಮಕ್ಕಳ ಆರೋಗ್ಯ ಪರಿಸ್ಥಿತಿ ಬಗ್ಗೆ ಪಾಲಕರ ಜೊತೆ ಮಾಹಿತಿ ಸಂಗ್ರಹಿಸಿ, ವೈದ್ಯರ ಸಲಹೆ ಪಡೆದು ಉಚಿತವಾಗಿ ಔಷಧ ನೀಡುತ್ತಿದ್ದಾರೆ. ವಿಶೇಷ ಮಕ್ಕಳ ಸಮೀಕ್ಷೆ, ಶಾಲೆಬಿಟ್ಟ ಮಕ್ಕಳ ಬಗ್ಗೆ ಮಾಹಿತಿ, ಅಂಗವಿಕಲರ ಸೌಲಭ್ಯದ ಬಗೆಗೆ ಮಾಹಿತಿ ಸಂಗ್ರಹಿಸುತ್ತಿದ್ದಾರೆ. ಕೋವಿಡ್ ಸೂಚನೆ, ನೀತಿ ನಿಯಮಗಳ ಪಾಲನೆ ಮಾಡಿಕೊಂಡು ಈ ಕಾರ್ಯಚಟುವಟಿಕೆ ನಡೆಸಲಾಗುತ್ತಿರುವುದು ವಿಶೇಷವಾಗಿದೆ.
