ಕೂಡಲೇ ಕಾರ್ಯಾಚರಣೆ ಆರಂಭಿಸಿದ ಕಂದಾಯಾಧಿಕಾರಿಗಳು ಜೆಸಿಬಿಗಳ ಮೂಲಕ ಹೊಸದಾಗಿ ಕಾಲುವೆ ನಿರ್ಮಿಸಿ ನೀರು ಹಳ್ಳದತ್ತ ಹರಿಯುವಂತೆ ಮಾಡಲಾಯಿತು. ಮಧ್ಯಾಹ್ನದ ವೇಳೆಗೆ ನೀರಿನ ಪ್ರಮಾಣ ಕಡಿಮೆಯಾಗಿದ್ದರೂ ಸಂಜೆ ಮಳೆಬಿದ್ದರೆ ಮತ್ತೆ ಜಲಾವೃತವಾಗುವ ಭೀತಿ ಇನ್ನೂ ಕಾಡುತ್ತಿದೆ.
ರಸ್ತೆಯ ಮೇಲೆ ಹರಿದ ನೀರು, ಕಮರಹಳ್ಳಿ, ಹಾಲಹಳ್ಳಿ ಸೇರುದಂತೆ ವಿವಿಧ ಗ್ರಾಮಗಳ ತಗ್ಗು ಪ್ರದೇಶದ ರಸ್ತೆಗಳ ಮೇಲೆ ದೊಡ್ಡ ಪ್ರಮಾಣದಲ್ಲಿ ಹರಿದು ಬರುತ್ತಿದೆ. ಜೆಸಿಬಿಯಿಂದ ಕಾಲುವೆ ನಿರ್ಮಿಸಿದ ನೀರು ಗುಂಡ್ಲು ಪಾತ್ರಕ್ಕೆ ಸೇರಿತು. ಬೇಗೂರು ಹಾಗೂ ಸೋಮಹಳ್ಳಿಯಲ್ಲಿ ತಲಾ 5 ಮನೆಗಳು ಸೇರಿದಂತೆ ಹೋಬಳಿಯಲ್ಲಿ ಸುಮಾರು 28ಕ್ಕೂ ಹೆಚ್ಚಿನ ಗೋಡೆಗಳು ನೆಲಕ್ಕುರುಳಿದ್ದರೂ ಯಾವುದೇ ಅನಾಹುತ ಸಂಭವಿಸಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ವಿಷಯ ತಿಳಿದ ಶಾಸಕ ಸಿ.ಎಸ್. ನಿರಂಜನಕುಮಾರ್ ಸ್ಥಳಕ್ಕೆ ತೆರಳಿ ಪರಿಶೀಲಿಸಿದರು. ಮನೆಗಳ ಗೋಡೆ ಬಿದ್ದಿರುವ ಸಂತ್ರಸ್ತರಿಗೆ ಕೂಡಲೇ ಪರಿಹಾರ ಮತ್ತು ನೆರವು ದೊರಕಿಸಬೇಕು ಎಂದು ತಹಸೀಲ್ದಾರ್ ರವಿಶಂಕರ್, ಕಂದಾಯಾಧಿಕಾರಿ ರವಿ, ಗ್ರಾಮಲೆಕ್ಕಾಧಿಕಾರಿ ಮಹದೇವಪ್ಪ ಅವರಿಗೆ ಸೂಚಿಸಿದರು.
