ಮನೆ ಕೀಲಿ ಮುರಿದು, ಅಲಮಾರಾದಲ್ಲಿದ್ದ ಚಿನ್ನಾಭರಣ ಕಳವು

ಕಲಬುರಗಿ: ಮನೆಯ ಕೀಲಿ ಮುರಿದು ಅಲಮಾರಾದಲ್ಲಿದ್ದ 1.32 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಕಳ್ಳತನ ಮಾಡಿದ ಟನೆ ಕೋಟನೂರ (ಡಿ)ದ ಮಯೂರ ನಗರದಲ್ಲಿ ನಡೆದಿದೆ. ಜೇವರ್ಗಿಯಲ್ಲಿ ಸ್ಟಾಪ್​ ನರ್ಸ್​ ಆದ ಜ್ಯೋತಿ ರೆಡ್ಡಿ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಬೆಂಗಳೂರಿಗೆ ಹೋಗಿದ್ದ ವೇಳೆ ಅಲಮಾರದಲ್ಲಿದ್ದ ಬಂಗಾರ ಉಂಗುರ, ಲಾಕೆಟ್​, ಬೆಳ್ಳಿಯ ಆರತಿ ಸೆಟ್​, ಬೆಳ್ಳಿ ಕಾಲು ಚೈನ್​ ನಗದು ಹಣ ಕಳ್ಳತನವಾಗಿದೆ ಎಂದು ವಿಶ್ವವಿದ್ಯಾಲಯ ಠಾಣೆಗೆ ದೂರು ನೀಡಿದ್ದಾರೆ.