ಘಟನೆ ಹಿನ್ನೆಲೆ: ಆರೋಪಿ ಶ್ರೀಶೈಲ ಶಿರೂರ ಗ್ರಾಮದವನು. 6 ತಿಂಗಳ ಹಿಂದೆ ಇಲ್ಲಿಯ ಮದಿಹಾಳದ ಗಣೇಶ ನಗರದಲ್ಲಿ ಬಾಡಿಗೆ ಮನೆಯಲ್ಲಿದ್ದು, ರಿಯಲ್ ಎಸ್ಟೇಟ್ ವ್ಯವಹಾರದಲ್ಲಿ ತೊಡಗಿದ್ದ. ಈತ ಮತ್ತು ಈರಪ್ಪ ಯಂಗಳ್ಳಿ ಎಂಬಾತನ ಮಧ್ಯೆ ಆಸ್ತಿ ವಿವಾದ ಇದೆ ಎನ್ನಲಾಗಿದೆ. ಈರಪ್ಪ ತನ್ನ ಪರಿಚಯಸ್ಥರಾದ ಶಿವಯೋಗಿ ಹಾಗೂ ಸುನೀಲ ಎಂಬುವರೊಂದಿಗೆ ಶನಿವಾರ ರಾತ್ರಿ 2 ಗಂಟೆ ಸುಮಾರಿಗೆ ಶ್ರೀಶೈಲನ ಮನೆಗೆ ತೆರಳಿದ್ದ. ನಾಲ್ವರೂ ಸಂಬಂಧಿಕರು. ಆಸ್ತಿ ವಿಷಯವಾಗಿ ಮಾತಿಗೆ ಮಾತು ಬೆಳೆದಿದೆ. ಜಗಳ ವಿಕೋಪಕ್ಕೆ ತಿರುಗಿ ಮೂವರೂ ತನ್ನ ಮೇಲೆ ಹಲ್ಲೆ ಮಾಡುವ ಸುಳಿವು ಅರಿತ ಶ್ರೀಶೈಲ, ಪರವಾನಗಿ ಇರುವ ತನ್ನ ರಿವಾಲ್ವರ್ನಿಂದ 3 ಸುತ್ತು ಗುಂಡು ಹಾರಿಸಿದ್ದಾನೆ ಎಂದು ಪೊಲೀಸರ ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ.
