ಮಂಗಳವಾರ ರಾತ್ರಿ 10 ಗಂಟೆ ವೇಳೆಗೆ ರತ್ನಾಕರ್ ಮಗಳು ಮೌಲ್ಯಳೊಂದಿಗೆ ಬಂದೂಕು ಸಮೇತ ಅತ್ತೆಯ ಮನೆಗೆ ತೆರಳಿದ್ದು, ಮಗುವಿನ ಮೂಲಕ ಅತ್ತೆಯನ್ನು ಹೊರ ಬರಲು ಹೇಳಿಸಿದ್ದಾನೆ. ಅತ್ತೆ ಜ್ಯೋತಿ ಹೊರಬರುತ್ತಿದ್ದಂತೆ ಅವರಿಗೆ ರತ್ನಾಕರ್ ಗುಂಡಿಕ್ಕಿ ಹತ್ಯೆ ಮಾಡಿದ್ದಾನೆ. ಬಳಿಕ ಮಗಳು, ನಾದಿನಿಗೂ ಗುಂಡು ಹಾರಿಸಿದ್ದಾನೆ. ನಾದಿನಿಯ ಪತಿ ಅವಿನಾಶ್ ಸಹ ಮನೆಯಲ್ಲಿಯೇ ಇದ್ದು ಗುಂಡಿನ ಸದ್ದು ಕೇಳಿ ಹೊರಬಂದಾಗ ಆತನಿಗೂ ಗುಂಡು ಹಾರಿಸಿದ್ದಾನೆ. ಮೌಲ್ಯಾ, ಜ್ಯೋತಿ, ಸಿಂಧು ಸ್ಥಳದಲ್ಲೇ ಮೃತಪಟ್ಟಿದ್ದು, ಅವಿನಾಶ್ ಅವರ ಕಾಲಿಗೆ ಗುಂಡು ತಗುಲಿದ ಪರಿಣಾಮ ಸಾವಿನಿಂದ ಪಾರಾಗಿದ್ದಾರೆ. ಅವರಿಗೆ ಕೊಪ್ಪ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಕೊಪ್ಪ ಹಾಗೂ ಬಾಳೆಹೊನ್ನೂರು ಸರ್ಕಾರಿ ಆಸ್ಪತ್ರೆಗಳಲ್ಲಿ ನಾಲ್ಕು ಶವಗಳನ್ನು ಪ್ರತ್ಯೇಕವಾಗಿ ಮರಣೋತ್ತರ ಪರೀಕ್ಷೆ ನಡೆಸಿ ಕುಟುಂಬಸ್ಥರಿಗೆ ಹಸ್ತಾಂತರಿಸಲಾಯಿತು.
