ಪೂಜೆಗೆ ಮಾತ್ರ ಸೀಮಿತ : ಪ್ರತಿ ವರ್ಷ ವೀರಶೈವ ಸೇವಾ ಸಮಾಜ, ವೀರಶೈವ ಮಹಿಳಾ ಸಮಾಜದಿಂದ ಬಸವೇಶ್ವರ ಜಯಂತಿಯನ್ನು ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಸನ್ಮಾನ, ವಚನಕಾರರ ವೇಷಾವಳಿ, ವಚನ ಗಾಯನ, ಅನ್ನಸಂತರ್ಪಣೆ ಸೇರಿ ಸಾಂಸ್ಕೃತಿಕ ಮತ್ತು ಸಾಮಾಜಿಕ ಸೇವಾ ವಿವಿಧ ಕಾರ್ಯಕ್ರಮಗಳೊಂದಿಗೆ ಅದ್ದೂರಿಯಾಗಿ ಆಚರಿಸಲಾಗುತ್ತಿತ್ತು. ನಗರದ ಬಸವನಗುಡಿ ದೇವಾಲಯದಲ್ಲಿ ವಿಶೇಷ ಪೂಜೆ ಕೈಗೊಳ್ಳಲಾಗುತ್ತಿತ್ತು. ಆದರೆ, ಈ ಬಾರಿ ಕರೊನಾ ಸೋಂಕಿನ ಹಿನ್ನೆಲೆಯಲ್ಲಿ ವೀರಶೈವ ಸೇವಾ ಸಮಾಜದ ಮುಖಂಡರು ಮನೆಗಳಲ್ಲಿಯೇ ಬಸವಣ್ಣನವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸುವ ಮತ್ತು ವಚನಗಳ ಗಾಯನದ ಮೂಲಕ ಜಯಂತ್ಯುತ್ಸವವ ಆಚರಿಸಿದರು. ಜಿಲ್ಲಾಡಳಿತ ಧಾರ್ಮಿಕ ಕೇಂದ್ರಗಳ ಕಾರ್ಯ ಸ್ಥಗಿತಕ್ಕೆ ಸೂಚಿಸಿದ ಹಿನ್ನೆಲೆಯಲ್ಲಿ ಯಾರೂ ಬಸವನಗುಡಿ ಆಲಯಗಳಿಗೆ ಭೇಟಿ ಕೊಡಲಿಲ್ಲ.
