ಮಂತ್ರಿ ಮಾಲ್​ಗೆ ಬಂತು ಸಂಚಕಾರ; ಒತ್ತುವರಿ ಭೂಮಿ ವಶಕ್ಕೆ ಪ್ರಾದೇಶಿಕ ಆಯುಕ್ತರ ನ್ಯಾಯಾಲಯ ಆದೇಶ

ಬೆಂಗಳೂರು: ಮಲ್ಲೇಶ್ವರದ ಸಂಪಿಗೆ ರಸ್ತೆಯಲ್ಲಿ ಕೈಗಾರಿಕಾ ಪ್ರದೇಶ ಮತ್ತು ಸರ್ಕಾರಿ ಸ್ವತ್ತಿನ 4.29 ಎಕರೆ ಪ್ರದೇಶವನ್ನು ಒತ್ತುವರಿ ಮಾಡಿಕೊಂಡು ಮಂತ್ರಿ ಗ್ರೀನ್ಸ್ ಅಪಾರ್ಟ್​ವೆುಂಟ್ ಮತ್ತು ಮಂತ್ರಿ ಮಾಲ್ ನಿರ್ವಿುಸಲಾಗಿದೆ ಎಂಬ ಆರೋಪ ವಾಸ್ತವ ಎಂಬ ಸಂಗತಿ ಬಹಿರಂಗಗೊಂಡಿದೆ. ಬೆಂಗಳೂರು ಪ್ರಾದೇಶಿಕ ಆಯುಕ್ತರು ಹಾಗೂ ಸಕ್ಷಮ ಪ್ರಾಧಿಕಾರದ ನ್ಯಾಯಾಲಯ ಇದನ್ನು ಖಚಿತಪಡಿಸಿದೆ. ಅಲ್ಲದೆ, ಸ್ವತ್ತನ್ನು ವಶಪಡಿಸಿಕೊಳ್ಳುವಂತೆ ಸೂಚಿಸಿದೆ.

ಬೆಂಗಳೂರು ದಕ್ಷಿಣ ಜಿಲ್ಲೆ ಬಿಜೆಪಿ ಅಧ್ಯಕ್ಷ ಎನ್.ಆರ್. ರಮೇಶ್ 2016ರಲ್ಲಿ ಮಂತ್ರಿಮಾಲ್ ವಿರುದ್ಧ ಸರ್ಕಾರಿ ಭೂಮಿ ಒತ್ತುವರಿ ಮಾಡಿಕೊಂಡಿರುವ ಬಗ್ಗೆ ದೂರು ದಾಖಲಿಸಿದ್ದರು. ಮಲ್ಲೇಶ್ವರದ ಸಂಪಿಗೆ ರಸ್ತೆಯಲ್ಲಿ ಈ ಹಿಂದೆ ಇದ್ದ ರಾಜಾ ಮಿಲ್​ಗೆ ಸೇರಿದ್ದ 3.31 ಎಕರೆ ಸ್ವತ್ತು ಹಾಗೂ ಪಕ್ಕದ ಹನುಮಂತಪುರ ಗ್ರಾಮಕ್ಕೆ ಸೇರಿದ 37 ಗುಂಟೆ ಜಾಗ ಸೇರಿ ಒಟ್ಟು 4.29 ಎಕರೆ ಪ್ರದೇಶ ವನ್ನು ಅತಿಕ್ರಮಿಸಿಕೊಂಡು ಮೆ. ಹಮಾರಾ ಶೆಲ್ಟರ್ಸ್ ಎಂಬ ಸಂಸ್ಥೆ ಮಂತ್ರಿ ಸ್ಕ್ವೇರ್ ಮಾಲ್ ಹಾಗೂ ಮಂತ್ರಿ ಗ್ರೀನ್ಸ್ ಅಪಾರ್ಟ್​ವೆುಂಟ್ ನಿರ್ವಿುಸಿದೆ. ಕೈಗಾರಿಕಾ ಪ್ರದೇಶಗಳನ್ನು ವಸತಿ ಪ್ರದೇಶವಾಗಿ ಮಾರ್ಪಡಿಸಲು ಸಾಧ್ಯವಿಲ್ಲ ಎಂದು ದೂರಿನಲ್ಲಿ ವಿವರಿಸಿದ್ದರು.

ವಿಚಾರಣೆ ನಡೆಸಿದ ಪ್ರಾದೇಶಿಕ ಆಯುಕ್ತರು ಹಾಗೂ ಸಕ್ಷಮ ಪ್ರಾಧಿಕಾರ ನ್ಯಾಯಾಲಯ ಜ.30ರಂದು ತೀರ್ಪು ನೀಡಿದ್ದು, ಭೂಮಿ ಒತ್ತುವರಿ ಮಾಡಿಕೊಳ್ಳಲಾಗಿದ್ದು, ತೆರವುಗೊಳಿಸುವಂತೆ ಆದೇಶಿಸಿದೆ.

ಆದೇಶದಲ್ಲೇನಿದೆ?

ಹನುಮಂತಪುರ ಗ್ರಾಮದ ಸರ್ವೆ ನಂ.56ರಲ್ಲಿರುವ 37 ಗುಂಟೆ ಸರ್ಕಾರಿ ಕೆರೆ (ಜಕ್ಕರಾಯನ ಕೆರೆ) ಜಾಗವನ್ನು ಮತ್ತು ಜಕ್ಕಸಂದ್ರ ಗ್ರಾಮ ನಕಾಶೆಯಂತೆ ಹಾದುಹೋಗಿರುವ ಗ್ರಾಮದ ರಸ್ತೆ 3.31 ಎಕರೆ ವಿಸ್ತೀರ್ಣವನ್ನು ಬಿಬಿಎಂಪಿ ಸ್ವತ್ತು ಎಂದು ಘೋಷಿಸಿದೆ. ಬಿಬಿಎಂಪಿ ಆಯುಕ್ತರು ಈ ಕುರಿತು ಸೂಕ್ತ ನಮೂದು ಮಾಡಿ ಸ್ವತ್ತಿನಲ್ಲಿರುವ ಒತ್ತುವರಿಯನ್ನು ತೆರವುಗೊಳಿಸಲು ಕ್ರಮ ಕೈಗೊಳ್ಳಬೇಕು ಎಂದು ನ್ಯಾಯಾಲಯದ ಆದೇಶದಲ್ಲಿ ತಿಳಿಸಲಾಗಿದೆ.

ಎಷ್ಟು ಪ್ರಮಾಣ?

ಈಗ ಘೊಷಣೆಯಾಗಿರುವ ಸರ್ಕಾರಿ ಭೂಮಿಯಲ್ಲಿ ಎಷ್ಟು ಪ್ರಮಾಣದಲ್ಲಿ ಮಂತ್ರಿ ಗ್ರೀನ್ಸ್ ಅಪಾರ್ಟ್​ವೆುಂಟ್ ಹಾಗೂ ಮಂತ್ರಿ ಸ್ಕೆ್ವೕರ್ ಮಾಲ್ ನಿರ್ವಿುಸಲಾಗಿದೆ ಎಂಬುದು ಸ್ಪಷ್ಟವಾಗಿಲ್ಲ. ಈ ಕುರಿತು ಸೂಕ್ತ ಪರಿಶೀಲನೆ ನಂತರ ವಿಚಾರ ತಿಳಿಯಬೇಕಿದೆ ಎಂದು ಬಿಬಿಎಂಪಿ ಅಧಿಕಾರಿಗಳು ತಿಳಿಸಿದ್ದಾರೆ.