ಭಾರತ-ನ್ಯೂಜಿಲೆಂಡ್ ಎ ಟೆಸ್ಟ್ ಡ್ರಾ

ಹುಬ್ಬಳ್ಳಿ:ಭಾರತ ಹಾಗೂ ನ್ಯೂಜಿಲೆಂಡ್ ಎ ತಂಡಗಳ ನಡುವಿನ 2ನೇ ಚತುರ್ದಿನ ಟೆಸ್ಟ್ ಪಂದ್ಯ ಡ್ರಾನಲ್ಲಿ ಅಂತ್ಯಗೊಂಡಿದೆ.

ಇಲ್ಲಿಯ ರಾಜನಗರ ಕೆಎಸ್​ಸಿಎ ಮೈದಾನದಲ್ಲಿ ಪಂದ್ಯದ ನಾಲ್ಕನೇ ದಿನವಾದ ಭಾನುವಾರ ನ್ಯೂಜಿಲೆಂಡ್ ಎ ತಂಡ ಪ್ರಥಮ ಇನ್ನಿಂಗ್ಸ್​ನಲ್ಲಿ 2 ವಿಕೆಟ್​ಗೆ 39 ರನ್ ಗಳಿಸಿದ್ದಾಗ ಆಟಕ್ಕೆ ಮಳೆ ಅಡ್ಡಿಪಡಿಸಿತು. ಬಳಿಕ ಉಭಯ ತಂಡಗಳ ನಾಯಕರು ಡ್ರಾ ಗೆ ಒಪ್ಪಿಗೆ ಸೂಚಿಸಿದರು.

ಭಾರತ ಎ ತಂಡ ಪ್ರಥಮ ಇನ್ನಿಂಗ್ಸ್ ಅನ್ನು 6 ವಿಕೆಟ್ 229 ರನ್ ಮೊತ್ತಕ್ಕೆ ಡಿಕ್ಲೇರ್ ಮಾಡಿಕೊಂಡಿತ್ತು. ಶನಿವಾರ ಸಂಜೆ ಹಾಗೂ ರಾತ್ರಿ ಸುರಿದ ಮಳೆಯಿಂದ ಪಂದ್ಯದ 4ನೇ ದಿನದ ಆಟ ತಡವಾಗಿ ಆರಂಭಗೊಂಡಿತ್ತು. ಮಳೆಯಿಂದ ಈ ಪಂದ್ಯದ ಮೊದಲ ಹಾಗೂ ಮೂರನೇ ದಿನ ಒಂದೂ ಎಸೆತ ಕಾಣದೇ ಸಂಪೂರ್ಣವಾಗಿ ರದ್ದಾಗಿತ್ತು. 2ನೇ ದಿನ 66 ಓವರ್​ಗಳಷ್ಟು ಹಾಗೂ 4ನೇ ದಿನ 12.3 ಓವರ್​ಗಳಷ್ಟು ಆಟ ನಡೆದಿದೆ.

ಉಭಯ ತಂಡಗಳ ನಡುವೆ ಬೆಂಗಳೂರಿನಲ್ಲಿ ನಡೆದ ಮೊದಲ ಚತುರ್ದಿನ ಟೆಸ್ಟ್ ಡ್ರಾ ಗೊಂಡಿತ್ತು. ಸರಣಿಯ 3ನೇ ಚತುರ್ದಿನ ಟೆಸ್ಟ್ ಪಂದ್ಯ ಸೆ. 15ರಿಂದ ಬೆಂಗಳೂರಿನಲ್ಲಿ ನಡೆಯಲಿದೆ.

ಸಂಕ್ಷಿಪ್ತ ಸ್ಕೋರ್:

ಭಾರತ ಎ 229ಕ್ಕೆ 6

ನ್ಯೂಜಿಲೆಂಡ್ ಎ- 12.3 ಓವರ್​ಗಳಲ್ಲಿ 2 ವಿಕೆಟ್​ಗೆ 39ರನ್ (ಜೋ ಕಾರ್ಟರ್ 17, ರಚಿನ ರವೀಂದ್ರ 14ಎ, ಶಾರ್ದೂಲ್ ಠಾಕೂರ 19ಕ್ಕೆ 1, ಮುಕೇಶ ಕುಮಾರ 2ಕ್ಕೆ 1)