2016ನೇ ಸಾಲಿನ ಮುಂಗಾರು ಹಂಗಾಮಿನಲ್ಲಿ ಬತ್ತದ ಬೆಳೆಗೆ 13320 ರೈತರು ವಿಮೆ ಮಾಡಿಸಿದ್ದು, 44 ಕೋಟಿ ರೂ. ವಿಮೆ ಮಂಜೂರಾಗಿತ್ತು. ಅದರಲ್ಲಿ 40.51 ಕೋಟಿ ರೂ. ಅದೇ ಸಂದರ್ಭದಲ್ಲಿ ಬಿಡುಗಡೆಯಾಗಿತ್ತು. ಆದರೆ, ಉಳಿದ 3.48 ಕೋಟಿ ರೂ. ಜಮೆಯಾಗಿರಲಿಲ್ಲ. ಹಣ ದೊರೆಯದ ಮುಗದ, ರಾಮಾಪುರ ಮುಂತಾದ ಗ್ರಾಮದ ರೈತರು ತಿಳಿಸಿದ್ದರಿಂದ ಸಂಸದ ಜೋಶಿ ಅವರು ಖುದ್ದಾಗಿ ರಾಜ್ಯದ ಕೃಷಿ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಹಾಗೂ ಆಯುಕ್ತರ ಜೊತೆಗೆ ರ್ಚಚಿಸಿ ದೆಹಲಿಯಲ್ಲಿ ತಾಂತ್ರಿಕ ತಜ್ಞರ ಸಮಿತಿ ಸಭೆ ನಡೆಸಿದ್ದರು. ರಾಜ್ಯ ಸರ್ಕಾರ ಶೇ. 30 ಹಾಗೂ ವಿಮಾ ಕಂಪನಿಗಳು ಶೇ. 70 ಹಣ ಸೇರಿಸಿ ಒಟ್ಟು 3.48 ಕೋಟಿ ರೂ. ನೀಡಲು ನಿರ್ಧರಿಸಲಾಗಿತ್ತು. ಅದರನ್ವಯ ಈಗ ರಾಜ್ಯ ಸರ್ಕಾರ ಹಾಗೂ ವಿಮಾ ಕಂಪನಿಗಳು ಹಣ ಬಿಡುಗಡೆ ಮಾಡಿವೆ ಎಂದು ಕೃಷಿ ಆಯುಕ್ತರು ಪತ್ರ ಮುಖೇನ ತಮಗೆ ತಿಳಿಸಿದ್ದಾರೆ ಎಂದು ಜೋಶಿ ತಿಳಿಸಿದ್ದಾರೆ.
