ಶನಿವಾರ ರಂಗಮಂದಿರದಲ್ಲಿ ತಾಲೂಕು ಆರ್ಯ ಈಡಿಗ ಸಮಾಜ, ವಿವಿಧ ಸಂಘಟನೆಗಳು ಹಾಗೂ ತಾಲೂಕು ಆಡಳಿತ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಬ್ರಹ್ಮಶ್ರೀ ನಾರಾಯಣ ಗುರುಗಳ 168ನೇ ಜಯಂತ್ಯುತ್ಸವ ಉದ್ಘಾಟಿಸಿ ಮಾತನಾಡಿ, ನಾವು ಹುಟ್ಟಿರುವ ಸಮಾಜವನ್ನು ಪ್ರೀತಿಸುವ ಜತೆಗೆ, ಇತರ ಸಮಾಜದವರು ನಮ್ಮ ಮೇಲೆ ವಿಶ್ವಾಸ ಮೂಡುವಂತೆ ನಾವು ನಡೆದುಕೊಳ್ಳಬೇಕು. ಕರಾವಳಿ ಭಾಗದಲ್ಲಿ ಈಚಲು ಮರದಲ್ಲಿ ನೀರಾ ತೆಗೆಯುವ ವೃತ್ತಿಯಿಂದ ಆರಂಭವಾದ ಕುಲಕಸುಬು ಮಲೆನಾಡಿನಲ್ಲಿ ಕೃಷಿ ಕುಟುಂಬಗಳಾಗಿ ನೆಲೆ ಕಂಡುಕೊಂಡಿವೆ. ಈಡಿಗ ಸಮುದಾಯ ಕಾಲಕ್ಕೆ ತಕ್ಕಂತೆ ಬದಲಾವಣೆ ಹೊಂದುತ್ತ ಪ್ರಮುಖ ಸಮುದಾಯವಾಗಿ ಗುರುತಿಸಿಕೊಂಡಿದೆ. ಮಾಜಿ ಮುಖ್ಯಮಂತ್ರಿ ಎಸ್.ಬಂಗಾರಪ್ಪ, ಡಾ.ರಾಜ್ಕುಮಾರ್, ಕಾಗೋಡು ತಿಮ್ಮಪ್ಪ ಅವರಂತಹ ನಾಯಕರು ಈಡಿಗ ಸಮಾಜದಲ್ಲಿ ಕಳಶಪ್ರಾಯವಾಗಿದ್ದಾರೆ ಎಂದು ತಿಳಿಸಿದರು.
