ಬಳಿಕ, ಹಿರಿಯ ಪೊಲೀಸ್ ಅಕಾರಿಗಳು ಆಗಮಿಸಿ, ಠೇವಣಿದಾರರು ಹಾಗೂ ಗ್ರಾಹಕರ ಮನವೊಲಿಸಿ, ಸುವರ್ಣಗಾರ್ಡನ್ನಲ್ಲಿ ಪ್ರತಿಭಟಿಸುವಂತೆ ಸೂಚಿಸಿ ಕಳುಹಿಸಿದರು. ಬಳಿಕ ಪ್ರತಿಭಟನೆ ಉದ್ದೇಶಿಸಿ ಬ್ಯಾಂಕ್ ಷೇರುದಾರರು ಮತ್ತು ಠೇವಣಿದಾರರ ಹಿತರಕ್ಷಣಾ ವೇದಿಕೆ ಮುಖ್ಯ ಪೋಷಕ ಡಾ.ಶಂಕರ ಗುಹಾ, ದ್ವಾರಕನಾಥ ಬೆಳ್ಳೂರ್ ಮಾತನಾಡಿ, ಷೇರುದಾರರು ಹಾಗೂ ಠೇವಣಿದಾರರಿಗೆ ಈಐಇಎಇ ವಿಮೆ ಹಣ ಬಂದ ನಂತರ ಪೂರ್ತಿ ಪ್ರಮಾಣದ ಹಣ ಯಾವ ರೀತಿ ಕೊಡಲಾಗುವುದು ಎನ್ನುವುದರ ಬಗ್ಗೆ ಮಾಹಿತಿ ಸಿಗುತ್ತಿಲ್ಲ. ಬ್ಯಾಂಕ್ನಲ್ಲಿ ಹಣ ಇಟ್ಟಿರುವ ನೂರು ಜನ ಠೇವಣಿದಾರರು ಈಗಾಗಲೇ ಪ್ರಾಣ ಕಳೆದುಕೊಂಡಿದ್ದಾರೆ. ಸಂತ್ರಸ್ತ ಕುಟುಂಬದವರಿಗೆ ಸ್ಥಳೀಯ ಶಾಸಕರು ಅಥವಾ ಸಂಸದರು ಸಾಂತ್ವನವನ್ನೂ ಹೇಳಿಲ್ಲ. ತನಿಖೆ ಯಾವ ದಿಕ್ಕಿನಲ್ಲಿ ಸಾಗುತ್ತಿದೆ ಎಂಬ ಮಾಹಿತಿ ಇಲ್ಲವೇ ಇಲ್ಲ. ಹೀಗಾಗಿ ಈ ಪ್ರಕರಣವನ್ನು ಸಿಬಿಐಗೆ ವಹಿಸಬೇಕು ಎಂದು ಪ್ರತಿಭಟನಾಕಾರರು ಒತ್ತಾಯಿಸಿದರು.
