ಬೆಳೆಗಳ ಕಟಾವಿಗೆ ಕೃಷಿಕರ ಪರದಾಟ

ಮಂಜುನಾಥ ಶಿವಕ್ಕನವರ ಕುಂದಗೋಳ

ಕರೊನಾ ಕರ್ಫ್ಯ ಹಿನ್ನೆಲೆಯಲ್ಲಿ ಕೂಲಿ ಕಾರ್ವಿುಕರು ಹೊರಬಾರದ ಕಾರಣ ತಾಲೂಕಿನ ಬೆಳೆಗಳ ಕಟಾವಿಗೆ ಪರದಾಡá-ವಂತಾಗಿದೆ.

ಜೋಳ, ಗೋಧಿ, ಕುಸುಬಿ ಬೆಳೆಗಳು ಕಟಾವಿಗೆ ಬಂದಿದ್ದು, ಇನ್ನೊಂದು ವಾರದಲ್ಲಿ ಕಟಾವು ಮಾಡದಿದ್ದರೆ ನೆಲಕ್ಕೆ ಬಿದ್ದು ಹಾಳಾಗುತ್ತವೆ. ಅಲ್ಲದೇ, ಇಲಿಗಳ ಹಾವಳಿಯಿಂದ ಬೆಳೆಗಳು ಹಾಳಾಗುತ್ತಿವೆ. ಈ ಮೊದಲು ಮಾಗಡಿ, ಆದ್ರಳ್ಳಿ, ರಟ್ಟಿಗೇರಿ, ಗೌಡಗೇರಿ ಮುಂತಾದ ಗ್ರಾಮಗಳಿಂದ ಕೂಲಿ ಕಾರ್ವಿುಕರನ್ನು ಕರೆತರಲಾಗುತ್ತಿತ್ತು. ಈಗ ಕರೊನಾ ಕರ್ಫ್ಯ ಹಿನ್ನೆಲೆಯಲ್ಲಿ ಚೆಕ್​ಪೋಸ್ಟ್ ಸ್ಥಾಪಿಸಿದ್ದರಿಂದ ಆಳುಗಳು ಸಹ ಬರುತ್ತಿಲ್ಲ. ಇದರಿಂದಾಗಿ ರೈತರಿಗೆ ಕರೊನಾ ರೋಗದ ಮಧ್ಯೆ ತಮ್ಮ ಬೆಳೆಗಳನ್ನು ಹಾಗೂ ಸೊಪ್ಪಿಯನ್ನು ಸಂಗ್ರಹಿಸುವುದೇ ದೊಡ್ಡ ಚಿಂತೆಯಾಗಿದೆ.

ಹೊಲದಲ್ಲಿ ಜೋಳ, ಗೋಧಿ, ಕುಸುಬಿ, ಬಿಟಿ ಹತ್ತಿ ಕಟಾವಿಗೆ ಬಂದೈತ್ರಿ. ಆದ್ರೆ ಆಳು ಸಿಗುತ್ತಿಲ್ಲರೀ ಏನ್ ಮಾಡಬೇಕ್ರಿ, 2 ದಿನದಿಂದ ಮಳೆ ಓಡಾಡಕತೆôತ್ರಿ. ಮಳೆ ಬಂದ್ರೆ ಎಲ್ಲಾನೂ ನೀರ್ ಪಾಲಾಗತ್ತರಿ. ಮೇವು ಸಂಗ್ರಹಿಸದಿದ್ದರೆ ಜಾನುವಾರುಗಳನ್ನೇ ಕೈಗೆ ಬಂದ ಬೆಲೆಗೆ ಮಾರಬೇಕ್ರೀ. ಏನೇ ಜಗತ್ತಿನಲ್ಲಿ ಬಂದರೂ ರೈತರಿಗೆ ಹಾನಿಯಾಗುತ್ತದೆ ಎಂದು ಪಟ್ಟಣದ ರೈತ ಪ್ರವೀಣಕುಮಾರ ಕಿರೇಸೂರ ಅಳಲು ತೋಡಿಕೊಂಡರು.