ಸಾಹಿತಿ ಹಾಗೂ ವಿದ್ವಾಂಸ ಡಾ.ಬಾಳಪ ಈರಪ್ಪ ಚಿನಗುಡಿ ಮಾತನಾಡಿ, ವಿಶ್ವಕ್ಕೆ ತಾಯಿತನ, ವಾತ್ಸಲ್ಯ, ಪ್ರೀತಿ, ತ್ಯಾಗ ಎಲ್ಲ ಕೌಶಲ ವಿರುವ ಮಹಿಳೆ ತಾಯಿ ಎನಿಸಿಕೊಳ್ಳತ್ತಾಳೆ. ಕನ್ನಡ ನಾಡಿನಲ್ಲಿ ಅದರಲ್ಲಿಯೂ ಬೆಳಗಾವಿ ಮಹಿಳೆಯ ಸಾಧನೆ ಕೇಳಿದರೆ ರೋಮಾಂಚನವಾಗುತ್ತದೆ. ಅದೇ ನೆಲದಿಂದ ಬಂದ ಈಗಿನ ಮಹಿಳೆಯರು ಸಮಸ್ಯೆ ಎದುರಿಸುವ ಸಾಮರ್ಥ್ಯ ತೋರಬೇಕು ಎಂದು ಸಲಹೆ ನೀಡಿದರು. ಹೆಣ್ಣು ಮಗುವಿಗೆ ಉನ್ನತ ಶಿಕ್ಷಣಕ್ಕಾಗಿ ಆಶಾ ಕೋರೆ ವಿದ್ಯಾರ್ಥಿ ವೇತನ ಪ್ರಾರಂಭಿಸಲಾಯಿತು. ಕೆಎಲ್ಇ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ ಅಂಡ್ ರಿಸರ್ಚ್ ಉಪಕುಲಪತಿ ಡಾ.ನಿತಿನ ಗಂಗಾನೆ, ಡಾ.ಎನ್.ಎಸ್.ಮಹಾಂತಶೆಟ್ಟಿ, ಡಾ.ಅಲ್ಕಾ ಕಾಳೆ, ಡಾ.ಪ್ರೀತಿ ಕೋರೆ, ಡಾ.ಸೋನಲ್ ಜೋಷಿ, ಡಾ.ನೇಹಾ ಧಡೆದ, ಡಾ.ರೇಣುಕಾ, ಡಾ.ಹರಪ್ರೀತ್ ಕೌರ್ ಇತರರಿದ್ದರು.
