ಬೆಟ್ಟದ ರಂಗನಾಥಸ್ವಾಮಿ ದೇವಾಲಯದಲ್ಲಿ ಕಳವು

ಕುಣಿಗಲ್​: ಶ್ರೀ ಬೆಟ್ಟದ ರಂಗನಾಥಸ್ವಾಮಿ ದೇವಾಲಯದ ಹಿಂಭಾಗದ ಗೊಡೆ ಕೊರೆದು ಒಳ ನುಗ್ಗಿದ್ದ ಕಳ್ಳರು 3 ಹುಂಡಿಗಳಲ್ಲಿದ್ದ ಹಣ ದೋಚಿದ್ದಾರೆ.

ಬೆಟ್ಟದ ರಂಗನಾಥಸ್ವಾಮಿ ದೇವಾಲಯಕ್ಕೆ ಬಾಗಿಲು ಇಲ್ಲದ ಕಾರಣ ದೇವಾಲಯದ ಆಡಳಿತ ಮಂಡಳಿ ದೇವಾಲಯದ ಪಕ್ಕದಲ್ಲಿ ಪ್ರತ್ಯೇಕವಾಗಿ ರೂಂ ಕಟ್ಟಿ, ಆ ರೂಂನಲ್ಲಿ ಭಕ್ತರು ಹಾಕುವ ಕಾಣಿಕೆ ಹಣದ ಹುಂಡಿ ಇಡುತ್ತಿದ್ದರು. ಇದನ್ನು ಗಮನಿಸಿದ್ದ ಕಳ್ಳರು ರೂಂನ ಹಿಂಭಾಗದ ಗೋಡೆ ಕೊರೆದು ಹುಂಡಿ ಹಣ ದೋಚಿ ಹುಂಡಿಗಳನ್ನು ದೇವಾಲಯದ ಸಮೀಪದ ಅರಣ್ಯದಲ್ಲಿ ಎಸೆದಿದ್ದಾರೆ. ದೇವಾಲಯದ ಕಾರ್ಯ ನಿರ್ವಾಣಾಧಿಕಾರಿ ಮಹೇಶ್​ 25 ಸಾವಿರ ರೂ.ಹಣ ಕಳವಾಗಿದೆ ಎಂದು ಕುಣಿಗಲ್​ ಪೊಲೀಸ್​ ಠಾಣೆಗೆ ದೂರು ನೀಡಿದ್ದು, ಕುಣಿಗಲ್​ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಸ್ಥಳಕ್ಕೆ ಬೆರಳಚ್ಚು ತಂಡ, ಡಾಗ್​ ಸ್ಕ್ವಾಡ್​ ಭೇಟಿ ನೀಡಿ ಪರಿಶೀಲನೆ ನಡೆಸಿದೆ.