ವಲಸೆ ಕಾರ್ವಿುಕರನ್ನು ಅವರ ತವರು ರಾಜ್ಯಗಳಿಗೆ ಕಳುಹಿಸಲು ರಾಜ್ಯ ಸರ್ಕಾರ ಉಚಿತ ವ್ಯವಸ್ಥೆ ಕಲ್ಪಿಸಿದೆ. ಅವಳಿ ನಗರದಲ್ಲಿದ್ದ ವಲಸೆ ಕಾರ್ವಿುಕರು ಬೆಂಗಳೂರಿನಿಂದ ವಿಶೇಷ ಶ್ರಮಿಕ್ ಎಕ್ಸ್ಪ್ರೆಸ್ ರೈಲಿನ ಮೂಲಕ ಜಾರ್ಖಂಡಕ್ಕೆ ತೆರಳಲಿದ್ದಾರೆ. ನಗರದ ಹೊಸ ಬಸ್ ನಿಲ್ದಾಣದಲ್ಲಿ ಬೆಳಗಿನ ಉಪಾಹಾರ ನೀಡಿ, ಮಾಸ್ಕ್, ಸ್ಯಾನಿಟೈಸರ್ ವಿತರಿಸಲಾಯಿತು. ಕಾರ್ವಿುಕರ ಆರೋಗ್ಯ ತಪಾಸಣೆ ನಡೆಸಲಾಯಿತು. ಪ್ರತಿ ಬಸ್ನಲ್ಲಿ 23ರಿಂದ 24 ಜನರಂತೆ ಒಟ್ಟು 3 ಸಾರಿಗೆ ಬಸ್ಗಳಲ್ಲಿ ಕಾರ್ವಿುಕರನ್ನು ಪರಸ್ಪರ ಅಂತರದೊಂದಿಗೆ ಕೂರಿಸಿ ಕಳುಹಿಸಲಾಯಿತು. ಪ್ರತಿ ಬಸ್ನಲ್ಲಿ ಒಬ್ಬ ನೋಡಲ್ ಅಧಿಕಾರಿಯನ್ನು ನೇಮಿಸಿದ್ದು, ಬೆಂಗಳೂರಿನಿಂದ ಜಾರ್ಖಂಡ್ಕ್ಕೆ ಕಳುಹಿಸುವ ಕರ್ತವ್ಯವನ್ನು ನೋಡಲ್ ಅಧಿಕಾರಿ ನಿರ್ವಹಿಸಲಿದ್ದಾರೆ ಎಂದು ಸಮಾಜ ಕಲ್ಯಾಣ ಜಂಟಿ ನಿರ್ದೇಶಕ ಎನ್.ಆರ್. ಪುರುಷೋತ್ತಮ ತಿಳಿಸಿದ್ದಾರೆ. ವಾಯವ್ಯ ಸಾರಿಗೆ ಸಂಸ್ಥೆ ವಿಭಾಗೀಯ ನಿಯಂತ್ರಣಾಧಿಕಾರಿ ಎಚ್. ರಾಮನಗೌಡರ, ಕಾರ್ವಿುಕ ನಿರೀಕ್ಷಕರಾದ ಅಕ್ರಂ, ಅಶೋಕ ಒಡೆಯರ, ಸಾರಿಗೆ ಇಲಾಖೆಯ ಐ.ಜಿ. ಮಗಾಮಿ, ಇತರರಿದ್ದರು.
