ಚಿಕ್ಕನಾಯಕನಹಳ್ಳಿ:- ಪಟ್ಟಣದ ಪುರಸಭಾ ಕಚೇರಿಯ ಹಿಂಭಾಗದಲ್ಲಿರುವ ಪಂಪ್ ಹೌಸ್ ಬಳಿ ಮಂಗಳವಾರ ಮಧ್ಯಾಹ್ನ ಕಾಣಿಸಿಕೋಂಡ ಬೆಂಕಿಗೆ ಪುರಸಭೆಗೆ ಸೇರಿದ ಹಳೆಯ ವಾಹನಗಳು ಸುಟ್ಟು ಭಸ್ಮವಾಗಿವೆ. ಕಚೇರಿಯ ಹಿಂಭಾಗ ನಿಲ್ಲಿಸಿದ್ದ ಹಳೆಯ ಜಖಂಗೊಂಡಿರುವ ಟ್ರ್ಯಾಕ್ಟರ್ ಇಂಜಿನ್, ಸೆಪ್ಟಿಕ್ ಟ್ಯಾಂಕ್, ಟ್ರೈಲರ್, ನೀರಿನ ಟ್ಯಾಂಕರ್ ಸೇರಿ ಅಲ್ಲಿದ್ದಂತಹ ಪುರಸಭೆಗೆ ಸೇರಿದ ವಸ್ತುಗಳು ಬೆಂಕಿಗೆ ಆಹುತಿಯಾಗಿವೆ. ಪುರಸಭೆ ಪೌರಕಾರ್ಮಿಕರು, ಪುರಸಭೆ ಕೆಲವು ಸದಸ್ಯರು ಸೇರಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾದರು. ಇತ್ತೀಚೆಗಷ್ಟೇ ಪುರಸಭೆಯಲ್ಲಿ ಹಳೆಯ ವಸ್ತುಗಳನ್ನು ಗುತ್ತಿಗೆದಾರರು ತೆಗೆದುಕೊಂಡು ಹೋಗಿದ್ದಾರೆ ಎಂಬ ಆರೋಪದ ಬೆನ್ನಲ್ಲೇ ಈ ಬೆಂಕಿಯ ಅವಘಡ ನಡೆದಿರುವುದು ಅನುಮಾನ ಕಡೆ ಮಾಡಿಕೊಟ್ಟಿದೆ. ಈ ಹಿಂದೆಯೂ ಇದೇ ಜಾಗದಲ್ಲಿ ಕಸ ಸಾಗಿಸುವ ವಾಹನ ಸುಟ್ಟು ಹೋಗಿದ್ದು ವರದಿಯಾಗಿತ್ತು. ಪದೇಪದೆ ಈ ಜಾಗದಲ್ಲಿ ಬೆಂಕಿ ಬೀಳುತ್ತಿರುವುದು ಪುರಸಭೆ ಅಧಿಕಾರಿಗಳ ಗಮನದಲ್ಲಿದ್ದರು. ಇದರ ಸ್ವಚ್ಛತೆಗಾಗಲಿ ರಕ್ಷಣೆಗಾಗಿ ತಲೆಕೆಡಿಸಿಕೊಂಡಿರುವುದಿಲ್ಲ ಎಂದು ನಾಗರಿಕರು ದೂರಿದರು.
