ತುರುವೇಕೆರೆ: ತಾಲೂಕಿನ ಬಸವನಹಳ್ಳಿ ಮತ್ತು ತಾವರೇಕೆರೆಯಲ್ಲಿ ಎರಡು ಪ್ರತ್ಯೇಕ ಅಗ್ನಿ ಅವಘಡಗಳು ಸಂಭವಿಸಿವೆ. ತಾಲೂಕಿನ ಸಾರಿಗೆಹಳ್ಳಿ ರೈತ ರವಿಕಿರಣ್ ಟ್ರ್ಯಾಕ್ಟರ್ನಲ್ಲಿ ರಾಗಿ ಹುಲ್ಲು ತುಂಬಿಕೊಂಡು ಸೋಮವಾರ ಮಧ್ಯಾಹ್ನ ಗ್ರಾಮಕ್ಕೆ ಸಾಗಿಸುವಾಗ ತಾಲೂಕಿನ ಬಸವನಹಳ್ಳಿ ಬಳಿ ವಿದ್ಯುತ್ ತಂತಿಗೆ ಸ್ಪರ್ಶಿಸಿ 40 ಹೊರೆ ರಾಗಿ ಹುಲ್ಲು, ಟ್ರ್ಯಾಕ್ಟರ್ನ ಟೈಲರ್ ಸುಟ್ಟುಹೊಗಿದೆ. ಅದೇ ರೀತಿ ತಾವರೇಕೆರೆ ಗ್ರಾಮದ ರೈತ ರಾಮಕೃಷ್ಣ ಅವರಿಗೆ ಸೇರಿದ ಕಾಯಿ ಶೆಡ್ಗೆ ಭಾನುವಾರ ರಾತ್ರಿ ಬೆಂಕಿ ಬಿದ್ದು ಶೆಡ್ನಲ್ಲಿದ್ದ 31 ಸಾವಿರ ಕೊಬ್ಬರಿ ಹಾಗೂ ಶೆಡ್ಡಿನಲ್ಲಿ ನಿಲ್ಲಿಸಿದ್ದ ಮಹೇಂದ್ರ ಸ್ರ್ಟಾಂಗ್ ಜೀರೋ ಲಗೇಜ್ ವಾಹನ ಸುಟ್ಟಿದ್ದು, ಹಲವು ಕಂಬಗಳು ಮುರಿದಿವೆ. ತಾಲೂಕು ಸಹಾಯಕ ಅಗ್ನಿ ಶಾಮಕ ಠಾಣಾಧಿಕಾರಿ ಚನ್ನಾಚಾರಿ ಮತ್ತು ಸಿಬ್ಬಂದಿ ರಾಹುಲ್ ದೊಂಬರ್, ರಾಜು, ತೌಸೆಫ್, ಭಗವಾನ್, ಪ್ರದಿಪ್, ಶಿವಕುಮಾರ್, ಕಿರಣ್, ಸಿರಾಜ್ ಮತ್ತು ಗಂಗಾಧರಯ್ಯ ಬೆಂಕಿ ನಂದಿಸುವ ಕಾರ್ಯದಲ್ಲಿ ತೊಡಗಿದ್ದರು.
