ಅಭಿಪ್ರಾಯ ತಿಳಿಸಲು ಅವಕಾಶ: ಪಾಲಿಕೆ ಜಾಲತಾಣ ಆರಂಭಿಸಿದ ನಂತರ ‘ನಾಗರಿಕ ಸೇವೆ’ ಆಯ್ಕೆ ಮಾಡಿದಲ್ಲಿ, ಅದರಲ್ಲಿ ವಾರ್ಡ್ ಸಂಖ್ಯೆ ನಮೂದಿಸಿದರೆ ಅಲ್ಲಿ ಕೈಗೊಂಡ ಎಲ್ಲ ಕಾಮಗಾರಿಗಳ ಕುರಿತು ಮಾಹಿತಿ ತೆರೆದುಕೊಳ್ಳಲಿದೆ. ಆಯಾ ಕಾಮಗಾರಿಗಳ ವಿವರ, ಬಿಲ್ ಪಾವತಿ, ಜಾಬ್ ಕೋಡ್, ಯೋಜನೆಯ ರೂಪುರೇಷೆ, ಕಾರ್ಯಾದೇಶ, ಅಳತೆ ಪುಸ್ತಕ, ಕಾಮಗಾರಿ ಹೆಸರು ಮತ್ತು ಛಾಯಾಚಿತ್ರ ಮಾಹಿತಿ ಲಭ್ಯವಾಗುತ್ತದೆ. ಮುದ್ರಿತ ಪ್ರತಿ ಪಡೆಯಲು ಅವಕಾಶ ಕಲ್ಪಿಸಲಾಗಿದೆ. ಕಾಮಗಾರಿ ಕುರಿತು ಸಾರ್ವಜನಿಕರು ತಮ್ಮ ಅನಿಸಿಕೆಗಳನ್ನು ವ್ಯಕ್ತಪಡಿಸಬಹುದು. ದೂರುಗಳಿದ್ದಲ್ಲಿ ಸಂಬಂಧಿಸಿದ ಇಂಜಿನಿಯರ್ಗಳು ವಾರದೊಳಗೆ ಸ್ಥಳ ಪರಿಶೀಲನೆ ನಡೆಸಿ ಉತ್ತರಿಸಲಿದ್ದಾರೆ ಎಂದು ವಿವರಿಸಿದರು.
