ನಡು ರಸ್ತೆಯಲ್ಲಿಯೇ ಬೀಡುಬಿಡುವ ದನಗಳಿಂದ ವಾಹನ ಸವಾರರು ರೋಸಿ ಹೋಗಿದ್ದಾರೆ. ಸ್ಥಳಾವಕಾಶಕ್ಕೆ ಶಬ್ದ ಮಾಡಿದರೆ ಯಾರ ಮೇಲೆ ಎಗರುವುದೋ ತಿಳಿಯುವುದಿಲ್ಲ. ದ್ವಿಚಕ್ರ ವಾಹನಗಳು, ಪಾದಚಾರಿಗಳು, ಶಾಲೆಗೆ ತೆರಳುವ ಮಕ್ಕಳು ಪ್ರತಿ ನಿತ್ಯವೂ ಈ ಸಮಸ್ಯೆಯಿಂದ ಸಾಕಷ್ಟು ಕಿರಿಕಿರಿ ಅನುಭವಿಸುತ್ತಿದ್ದಾರೆ. ಈ ಬಗ್ಗೆ ಹಲವು ಬಾರಿ ನಗರಸಭೆಗೆ ದೂರು ಬಂದಿದೆ. ಆದರೂ ಪ್ರಯೋಜನವಾಗಿಲ್ಲ. ಪ್ರಕಟಣೆಯಲ್ಲಿ ಮಾತ್ರ ರಸ್ತೆಗೆ ದನಗಳನ್ನು ಬಿಡುವವವರ ಮೇಲೆ ಕ್ರಮ ಕೈಗೊಂಡಿದೆ. ಇದರಿಂದ ರಸ್ತೆಯಲ್ಲಿ ಬಿಡಾಡಿ ದನಗಳು ಓಡಾಡುವುದನ್ನು ನಿಲ್ಲಿಸಲು ಸಾಧ್ಯವಾಗಿಲ್ಲ. ರಸ್ತೆ ಬಳಿ ಮಾರಾಟ ಮಾಡುವ ಸೊಪ್ಪು, ತರಕಾರಿಯನ್ನು ರಸ್ತೆಗೆ ಎಸೆಯಲಾಗುತ್ತದೆ. ಇವೇ ಬಿಡಾಡಿ ದನಗಳ ಆಹಾರವಾಗಿದೆ. ದನಗಳ ಮಾಲೀಕರು ಬೆಳಗ್ಗೆ ರಸ್ತೆಗೆ ಬಿಟ್ಟರೆ ದಿನವಿಡೀ ಅಡ್ಡಾಡುವ ದನಗಳು ರಸ್ತೆ ಮಧ್ಯದಲ್ಲೇ ನಿದ್ರೆಗೆ ಜಾರುತ್ತವೆ. ಈ ವೇಳೆ ಸಂಚಾರಕ್ಕೆ ತೊಂದರೆ ಯಾಗುತ್ತದೆ.
