ರಾಜ್ಯದಲ್ಲಿ ದಲಿತರ ಮೇಲೆ ಹಲ್ಲೆ, ದಬ್ಬಾಳಿಕೆ, ಅತ್ಯಾಚಾರ ಮತ್ತು ಕೊಲೆ ಜಾಸ್ತಿಯಾಗಿವೆ. ಬಪ್ಪರಗಾ ಘಟನೆಯಂತೂ ನಾಗರಿಕ ಸಮಾಜ ತಲೆತಗ್ಗಿಸುವಂತೆ ಮಾಡಿದೆ. ಆದರೂ ಇದರ ಗಂಭೀರತೆ ಅರಿಯದ ಜಿಲ್ಲಾಡಳಿತ ಯಾವುದೇ ಕ್ರಮ ಕೈಗೊಳ್ಳುತ್ತಿಲ್ಲ ಎಂದು ಆರೋಪಿಸಿದರು.
ಮುಖಂಡ ಕೆ.ಬಿ. ವಾಸು ಮಾತನಾಡಿ, ಸಮಾಜಕ್ಕೆ ಅನ್ಯಾಯವಾದರೆ ಸಹಿಸುವುದಿಲ್ಲ. ಎಂಥz್ದೆÃ ಪರಿಸ್ಥಿತಿ ಎದುರಾದರೂ ಹೋರಾಟಕ್ಕೆ ಸಿದ್ಧ ಎಂದರು. ನಾಗಮ್ಮ ಕಟ್ಟಿಮನಿ ಮಾತನಾಡಿ, ಮಾದಿಗ ಸಮಾಜದ ಮಗಳ ಮೇಲೆ ಅತ್ಯಾಚಾರ ಮಾಡಿದವನನ್ನು ಬಂಧಿಸಿ ಜೈಲಿಗೆ ಕಳಿಸಿ ಎಂದು ಆಗ್ರಹಿಸಿದರು. ತೆಲಂಗಾಣದ ಲತಾ ಮಾದಿಗ ಮಾತನಾಡಿ, ಇದು ಕೇವಲ ಮಾದಿಗ ಸಮಾಜಕ್ಕೆ ಆದ ಅನ್ಯಾಯವಲ್ಲ. ಇಡೀ ಜೀವಪರ ಸಮುದಾಯಕ್ಕೆ ಆದ ಅನ್ಯಾಯ ಎಂದು ಗುಡುಗಿದರು.
