ಚನ್ನಪಟ್ಟಣದಲ್ಲಿ ಕಾರ್ಯಕ್ರಮ ಮುಗಿಸಿ ಬಿಡದಿಗೆ ವಾಪಸಾಗುವ ವೇಳೆ ರಾಮನಗರದಲ್ಲಿ ತಡೆದ ಕಾರ್ಯಕರ್ತರು, ರೈತರು ಮತ್ತು ಬಡವರು ಎನ್ನದೆ ಪೊಲೀಸರು ಸಾವಿರಾರು ರೂ ದಂಡ ವಿಧಿಸುತ್ತಿದ್ದಾರೆ. ಹಲವಾರು ಕಡೆ ತಪಾಸಣೆ ನೆಪದಲ್ಲಿ ಕಿರುಕುಳ ನೀಡುತ್ತಿದ್ದಾರೆ ಎಂದು ದೂರಿದರು. ಈ ವೇಳೆ ಪೊಲೀಸ್ ಸಿಬ್ಬಂದಿಯನ್ನು ತರಾಟೆಗೆ ತೆಗೆದುಕೊಂಡ ಎಚ್ಡಿಕೆ, ರೈತರಿಗೆ, ಬಡವರಿಗೆ ಯಾಕೆ ತೊಂದರೆ ಕೊಡುತ್ತೀರಿ? ಇಂದಿನ ಪರಿಸ್ಥಿತಿಯಲ್ಲಿ 500, ಸಾವಿರ ರೂ.ಗಳನ್ನು ಅವರು ಎಲ್ಲಿಂದ ತಂದು ಕಟ್ಟುತ್ತಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಈ ವೇಳೆ ಪೊಲೀಸ್ ಸಿಬ್ಬಂದಿ, ರೈತರಿಗೆ ಬಡವರಿಗೆ ಕಿರುಕುಳ ನೀಡುತ್ತಿಲ್ಲ, ಯಾವುದೇ ದಂಡವನ್ನು ವಿಧಿಸುತ್ತಿಲ್ಲ ಎಂದು ಮನವರಿಕೆ ಮಾಡಿಕೊಡಲು ಯತ್ನಿಸಿದರಾದರೂ, ಸುಮ್ಮನಾಗದ ಎಚ್ಡಿಕೆ, ಸಂಬಳ ತೆಗೆದುಕೊಳ್ಳುತ್ತೀರಿ ನಾಚಿಕೆ ಆಗುವುದಿಲ್ಲವೇ ಎಂದರು.
