ನಗರದ ಪತ್ರಕರ್ತರ ಭವನದಲ್ಲಿ ಮಂಗಳವಾರ ಜಂಟಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಗಣೇಶ ಹಬ್ಬವನ್ನು ಅದ್ದೂರಿಯಾಗಿ ಆಚರಿಸುತ್ತೇವೆ ಎಂದರೆ ಯಾರಾದರೂ ತಕರಾರು ಅಥವಾ ವಿರೋಧ ಮಾಡಿದ್ದಾರೆಯೇ? ರಾಷ್ಟ್ರ ಧ್ವಜ ಹಾರಿಸುತ್ತೇನೆ ಎಂದು ಸಂಸದರು ಧರಣಿಗೆ ಮುಂದಾದಾಗ ಮುಸ್ಲಿಂ ಮುಖಂಡರೇ ಜಿಲ್ಲಾಡಳಿತದೊಂದಿಗೆ ಧ್ವಜಾರೋಹಣ ನೆರವೇರಿಸಲಿಲ್ಲವೇ? ಅದೇ ರೀತಿ ಗಣೇಶ ಉತ್ಸವ ಮಾಡುವುದಾದರೆ ಆ ಕ್ಲಾಕ್ಟವರ್ ಭಾಗದ ಮುಸ್ಲಿಂ ಮುಖಂಡರೊಂದಿಗೆ ಚರ್ಚಿಸಿ ಅದ್ದೂರಿಯಾಗಿ ಆಚರಿಸಬಹುದಾಗಿದೆ. ಮುಸ್ಲಿಂರ ಗಂಧೋತ್ಸವ ಬಂದಾಗ ನಗರದ ಇತರ ಕಡೆಗೂ ಕೊಂಡೊಯ್ದು ಸೌಹಾರ್ದತೆ ಮೆರೆಯಬಹುದಾಗಿದೆ. ಅದು ಬಿಟ್ಟು, ಟೀ ಮಾರುವವರು, ಪೆಂಚರ್ ಹಾಕುವವರು ಎಂದು ಟೀಕಿಸುವುದು, ಪ್ರಚೋದನಕಾರಿಯಾಗಿ ಬಹಿರಂಗ ಹೇಳಿಕೆ ಕೊಡುವುದು ಸರಿಯಲ್ಲ ಎಂದರು.
