ಪ್ಯಾರಾ ಶೂಟಿಂಗ್​ನಲ್ಲಿ ಐದು ಪದಕ

ವಿಜಯವಾಣಿ ಸುದ್ದಿಜಾಲ ಹುಬ್ಬಳ್ಳಿ:ಮಹಾರಾಷ್ಟ್ರದ ಪುಣೆದಲ್ಲಿ ಇತ್ತೀಚೆಗೆ ಆಯೋಜಿಸಿದ್ದ 5ನೇ ಪ್ಯಾರಾ ರಾಷ್ಟ್ರೀಯ ಶೂಟಿಂಗ್ ಚಾಂಪಿಯನ್​ಶಿಪ್​ನಲ್ಲಿ ಹುಬ್ಬಳ್ಳಿಯ ಶೂಟರ್ಸ್ 1 ಚಿನ್ನ, 1ಬೆಳ್ಳಿ ಹಾಗೂ 3 ಕಂಚಿನ ಪದಕಗಳನ್ನು ಜಯಿಸಿದ್ದಾರೆ.

ಚಾಂಪಿಯನ್​ಶಿಪ್​ನಲ್ಲಿ ಕರ್ನಾಟಕದಿಂದ 6 ಜನ ಪಿಸ್ತೂಲ್ ಶೂಟರ್ಸ್, 5 ಜನ ರೈಫಲ್ ಶೂಟರ್ಸ್ ಹಾಗೂ ಒಬ್ಬರು ಬ್ಲೈಂಡ್ ಶೂಟರ್ ಭಾಗವಹಿಸಿದ್ದರು.

ಹುಬ್ಬಳ್ಳಿಯ ರಾಕೇಶ ನಿಡಗುಂದಿ ರೈಫಲ್ ವಿಭಾಗದ 50 ಮೀಟರ್ 3 ಪೋಜಿಸನ್​ನಲ್ಲಿ ಚಿನ್ನ ಹಾಗೂ 50 ಮೀಟರ್ ಪ್ರೋನ್ ಮಿಕ್ಸಡ್​ನಲ್ಲಿ ಕಂಚಿನ ಪದಕ ಜಯಿಸಿದರು.

ಜ್ಯೋತಿ ಸಣ್ಣಕ್ಕಿ ರೈಫಲ್ ವಿಭಾಗದ 50 ಮೀ. 3 ಪೋಜಿಸನ್​ನಲ್ಲಿ ಕಂಚಿನ ಪದಕ ಗೆದ್ದಿದ್ದಾರೆ. ತಂಡ ವಿಭಾಗದ 40 ಮೀ. ಪ್ರೋನ್ ಮಿಕ್ಸಡ್​ನಲ್ಲಿ ರಾಕೇಶ್ ನಿಡಗುಂದಿ, ಶಂಕರಲಿಂಗ ತವಳಿ ಹಾಗೂ ಜ್ಯೋತಿ ಸಣ್ಣಕ್ಕಿ ಬೆಳ್ಳಿ ಮತ್ತು 10 ಏರ್ ರೈಫಲ್ ಸ್ಟ್ಯಾಂಡಿಂಗ್​ನಲ್ಲಿ ರಾಕೇಶ ನಿಡಗುಂದಿ, ಶಂಕರಲಿಂಗ ತವಳಿ ಹಾಗೂ ಸಚಿನ್ ಸಿದ್ದಣ್ಣವರ ಕಂಚಿನ ಪದಕ ಪಡೆದಿದ್ದಾರೆ.