ಪೈಪ್​ಲೈನ್ ಅವ್ಯವಸ್ಥೆ, ನೀರಿಗಾಗಿ ಪರದಾಟ

ರಟ್ಟಿಹಳ್ಳಿ: ಪೈಪ್​ಲೈನ್ ಅವ್ಯವಸ್ಥೆಯಿಂದಾಗಿ ತಾಲೂಕಿನ ಹಿರೇಕಬ್ಬಾರ ಗ್ರಾಮದ ಹರಿಜನರ ಓಣಿಯಲ್ಲಿ 3-4 ತಿಂಗಳಿಂದ ಕುಡಿಯುವ ನೀರಿನ ಸಮಸ್ಯೆ ಎದುರಾಗಿದೆ.

ಹಿರೇಕಬ್ಬಾರ ಗ್ರಾಮವು ಬೈರಂಪಾದದ ಬಹುಗ್ರಾಮ ಕುಡಿಯುವ ನದಿ ನೀರು ಯೋಜನೆ ವ್ಯಾಪ್ತಿಗೆ ಒಳಪಟ್ಟಿದೆ. ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಬಳಿ ಎರಡು ಟ್ಯಾಂಕ್ ನಿರ್ವಿುಸಿದ್ದು, ಹರಿಜನರ ಓಣಿಯೊಂದನ್ನು ಬಿಟ್ಟು ಎಲ್ಲೆಡೆ ಸಮರ್ಪಕವಾಗಿ ನೀರು ಪೂರೈಕೆಯಾಗುತ್ತಿದೆ.

ಹರಿಜನರ ಓಣಿಯಲ್ಲಿ ಅಂದಾಜು 170 ಕುಟುಂಬಗಳು ವಾಸವಾಗಿವೆ. ಓಣಿಗೆ ಅಳವಡಿಸಿರುವ ಪೈಪ್​ಲೈನ್ ಹಾಳಾಗಿದೆ. ಹೀಗಾಗಿ ಓಣಿಯ ಜನ ನೀರಿಗಾಗಿ ಅಕ್ಕಪಕ್ಕದ ಬೀದಿಗಳಿಗೆ ಹೋಗಬೇಕಾಗಿದೆ. ಸಂಬಂಧಿಸಿದ ಅಧಿಕಾರಿಗಳಿಗೆ ಈ ಬಗ್ಗೆ ಹಲವು ಬಾರಿ ತಿಳಿಸಲಾಗಿದೆ. ಆದರೆ, ಈವರೆಗೆ ಕ್ರಮ ಕೈಗೊಂಡಿಲ್ಲ ಎಂದು ನಿವಾಸಿಗಳು ಆರೋಪಿಸುತ್ತಿದ್ದಾರೆ.