ಯಾದಗಿರಿ: ನಮ್ಮ ಆಚಾರ, ವಿಚಾರಗಳು ಹಾಗೂ ಪೂರ್ವಜರು ಹಾಕಿಕೊಟ್ಟ ಪುರಾತನ ಸಂಸ್ಕಾರವೇ ಭಾರತದ ಜೀವಾಳವಾಗಿದೆ ಎಂದು ಭಾರತಿ ಎಸ್.ದರ್ಶನಾಪುರ ಅಭಿಪ್ರಾಯಪಟ್ಟರು.
ಶ್ರಾವಣ ಮಾಸದ ನಿಮಿತ್ತ ಗುರುವಾರ ನಗರದ ಚರಬಸವೇಶ್ವರ ಗದ್ದುಗೆಯಲ್ಲಿ ಸಂಗೀತ ಸೇವಾ ಸಮಿತಿಯಿಂದ ಆಯೋಜಿಸಿದ್ದ 15ನೇ ವರ್ಷದ ಉಡಿ ತುಂಬುವ ಕಾರ್ಯಕ್ರಮದಲ್ಲಿ ಮಾತನಾಡಿ, ವರ್ಷದ 12 ತಿಂಗಳಲ್ಲಿ ಶ್ರಾವಣಕ್ಕೆ ಮಹತ್ವವಿದೆ. ಕಾರಣ ಸಾಲುಸಾಲು ಹಬ್ಬಗಳು ಬರುತ್ತವೆ. ಹಬ್ಬ, ಉತ್ಸವಗಳನ್ನು ನಮ್ಮಲ್ಲಿನ ಚೈತನ್ಯವನ್ನು ಹೆಚ್ಚಿಸುತ್ತವೆ ಎಂದರು.
ಶಹಾಪುರದ ಗದ್ದುಗೆಯಲ್ಲಿ ಹಲವು ವರ್ಷಗಳಿಂದ ಶ್ರಾವಣ ಮಾಸದ ಪವಿತ್ರ ದಿನಗಳಲ್ಲಿ ಸಂಗೀತ ಸೇವಾ ಸಮಿತಿಯಿಂದ ಪಾರಂಪರಿಕವಾದ ಮತ್ತು ಮಹಿಳೆಯರ ನಂಬುಗೆಯ ಉಡಿ ತುಂಬುವ ಕಾರ್ಯಕ್ರಮವನ್ನು ಅಚ್ಚುಕಟ್ಟಾಗಿ ನಡೆಸಿಕೊಂಡು ಬಂದಿರುವದು ಶ್ಲಾಘನೀಯವಾಗಿದೆ.
ಮಹಿಳೆಯರಿಗೆ ಅರಿಶಿಣ, ಕುಂಕುಮದೊಂದಿಗೆ ಉಡಿ ತುಂಬುವದು ಸಮೃದ್ಧಿ, ಸೌಭಾಗ್ಯದ ಸಂಕೇತ ಎಂದು ತಿಳಿಸಿದರು.
