ಚಿಕ್ಕಮಗಳೂರು: ಭಾರತವನ್ನು ಇಸ್ಲಾಮೀಕರಣಗೊಳಿಸಲು ಹುನ್ನಾರ ನಡೆಸುತ್ತಿರುವ ಪಿಎಫ್ಐ, ಎಸ್ಡಿಪಿಐ ಸಂಘಟನೆಗಳನ್ನು ನಿಷೇಧಿಸುವಂತೆ ಶ್ರೀರಾಮ ಸೇನೆ ಜಿಲ್ಲಾಧ್ಯಕ್ಷ ರಂಜಿತ್ ಶೆಟ್ಟಿ ಒತ್ತಾಯಿಸಿದರು. ಶುಕ್ರವಾರ ಎಡಿಸಿ ಬಿ.ಆರ್.ರೂಪಾ ಅವರಿಗೆ ಸಂಘಟನೆಯಿಂದ ಮನವಿ ಸಲ್ಲಿಸಿದ ನಂತರ ಮಾತನಾಡಿದ ಅವರು, ಸಂವಿಧಾನ, ರಾಷ್ಟ್ರಧ್ವಜ, ದಲಿತರನ್ನು ಉಪಯೋಗಿಸಿಕೊಂಡು ಇಸ್ಲಾಂ ರಾಷ್ಟ್ರ ಘೊಷಿಸುವ ಸಲುವಾಗಿ ಆಂತರಿಕ ಸೈನಿಕ ಶಕ್ತಿಯನ್ನು ಪಿಎಫ್ಐ ನಿರ್ವಿುಸಿದೆ. ಕೇರಳದ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹಾಗೂ ಮಾಜಿ ಮುಖ್ಯಮಂತ್ರಿ ಅಚ್ಚುತನ್ ಪಿಎಫ್ಐ ಸಂಘಟನೆಯ ಸಂಪರ್ಕದಲ್ಲಿದ್ದ ಕಾರಣ ಬ್ಯಾನ್ ಮಾಡಿ ಎಂದು ಹಿಂದುಪರ ಸಂಘಟನೆಗಳು ಕೇಂದ್ರ ಸರ್ಕಾರಕ್ಕೆ ಪತ್ರ ಬರೆದಿವೆ. ಸಿಎಎ, ಎನ್ಆರ್ಸಿ, ರೈತ ಹೋರಾಟ ಹಾಗೂ ರಾಜ್ಯದ ವಿವಿಧೆಡೆ ಗಲಭೆಯಲ್ಲಿ ಪಿಎಫ್ಐ, ಎಸ್ಡಿಪಿಐ ಕೈವಾಡವಿರುವ ಶಂಕೆ ಇದೆ ಎಂದು ದೂರಿದರು.
