ಪಾಲಾರ್​ ನದಿಯಲ್ಲಿ ಮಹಿಳೆ ಶವ ಪತ್ತೆ

ವೇಮಗಲ್​: ಕೋಲಾರ ತಾಲೂಕಿನ ವೀರಾಪುರ ಮೊರಿ ಬಳಿಯ ಪಾಲಾರ್​ ನದಿಯ ಕೆ.ಸಿ.ವ್ಯಾಲಿ ನೀರಿನಲ್ಲಿ ಅಂದಾಜು 65 ವರ್ಷದ ಮಹಿಳೆಯ ಶವ ಪತ್ತೆಯಾಗಿದೆ. ಮುಖದ ಗುರುತು ಸಿಗದ ರೀತಿಯಲ್ಲಿ ಶವ ಕೊಳೆತಿದ್ದು, ಅಗ್ನಿಶಾಮಕ ಸಿಬ್ಬಂದಿ ಶವ ಹೊರತೆಗೆದು, ಆಂಬುಲೆನ್ಸ್​ನಲ್ಲಿ ಎಸ್​ಎನ್​ಆರ್​ ಆಸ್ಪತ್ರೆಗೆ ರವಾನಿಸಿದ್ದಾರೆ. ಎರಡು ದಿನಗಳ ಒಳಗಾಗಿ ಸಂಬಂಧಪಟ್ಟವರು ಯಾರಾದರೂ ದೂರು ದಾಖಲಿಸಿದರೆ, ಪ್ರಕರಣವು ಆತ್ಮಹತ್ಯೆಯೋ, ಕೊಲೆಯೋ ಎಂದು ತನಿಖೆ ಕೈಗೊಳ್ಳಲಾಗುವುದು. ಇಲ್ಲವಾದಲ್ಲಿ ಅನಾಥ ಶವ ಎಂದು ಪರಿಗಣಿಸಿ ಅಂತ್ಯಕ್ರಿಯೆ ಮಾಡಲಾಗುವುದು ಎಂದು ವೇಮಗಲ್​ ಪೊಲೀಸ್​ ಠಾಣೆ ಇನ್​ಸ್ಪೆಕ್ಟರ್​ ಬಿ.ಪಿ.ಮಂಜು ತಿಳಿಸಿದ್ದಾರೆ.