ಹಾಸನ ಟೌನ್ ಹೇಮಾವತಿ ನಗರ ವಾಸಿ ವಿಶಾಲಾಕ್ಷಿ ಅವರು ಆ. 23ರಂದು ಬೆಂಗಳೂರಿನಲ್ಲಿ ತಮ್ಮ ಚಿಕ್ಕಮ್ಮನ ಮಗಳ ಮನೆಯ ಗೃಹಪ್ರವೇಶ ಮುಗಿಸಿಕೊಂಡು ಬೆಂಗಳೂರಿನಿಂದ ಹಾಸನ ಹೊಸ ನಿಲ್ದಾಣಕ್ಕೆ ಮಧ್ಯಾಹ್ನ 2 ಗಂಟೆಗೆ ಬಂದಿದ್ದಾರೆ. ದಾಸರಕೊಪ್ಪಲು ಕಡೆಗೆ ಹೋಗುವ ಬಸ್ ನಿಲ್ದಾಣದ ಹತ್ತಿರ ನಿಂತಿದ್ದು, ದಾಸರಕೊಪ್ಪಲು ಕಡೆಗೆ ಹೋಗುವ ಬಸ್ ಬಂದಿದೆ. ಈ ವೇಳೆ ಬಸ್ ಹತ್ತುವಾಗ ತುಂಬಾ ಜನಜಂಗುಳಿ ಇದ್ದು ನೂಕು ನುಗ್ಗಲು ಏರ್ಪಟ್ಟಿದೆ. ಈ ಆಸಮಯದಲ್ಲಿ ಖದೀಮರು ವಿಶಾಲಾಕ್ಷಿ ಅವರ ಬ್ಯಾಗ್ ಜಿಪ್ ತೆಗೆದು ಅದರೊಳಗೆ ಇದ್ದ ಪರ್ಸ್ ಎಗರಿಸಿದ್ದಾರೆ. ಬಳಿಕ ವಿಶಾಲಾಕ್ಷಿ ತಮ್ಮ ಬ್ಯಾಗ್ ಜಿಪ್ ತೆರೆದಿರುವುದು ನೋಡಿ ಪರ್ಸ್ ಹುಡುಕಾಡಿದಾಗ ಪರ್ಸ್ ಕಳುವಾಗಿರುವುದು ತಿಳಿದುಬಂದಿದೆ.
