ರಾಜ್ಯ ಸರ್ಕಾರ ಶ್ರೀಮಂಟೇಸ್ವಾಮಿ ಪರಂಪರೆಯ ನೀಲಗಾರರು, ಒಕ್ಕಲಿನವರು, ಕಾವ್ಯ ಹಾಡುಗಾರರು, ಮಠದ ಪ್ರತಿನಿಧಿಗಳು, ಸಂಶೋಧಕರು ಹಾಗೂ ವಿದ್ವಾಂಸರ ಜತೆ ಚರ್ಚಿಸಿ ಪ್ರಾಧಿಕಾರಕ್ಕೆ ಒಂದು ಸಾಂಸ್ಕೃತಿಕ ನೀತಿ ಸಂಹಿತೆಯನ್ನು ರೂಪಿಸಬೇಕು ಎಂದು ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಸಾಹಿತಿ ಮತ್ತು ಸಂಸ್ಕೃತಿ ಚಿಂತಕ ಶಂಕನಪುರ ಮಹದೇವ ಹೇಳಿದರು. ಈ ಪರಂಪರೆಯ ಮಠಾಧೀಶರು ಪ್ರಾಧಿಕಾರ ರಚನೆಯನ್ನು ಸಾಮಾಜಿಕ ಪರಂಪರೆ ಮೇಲಿನ ದಾಳಿ ಎಂದು ಉಲ್ಲೇಖಿಸಿರುವುದು ಅತ್ಯಂತ ಆಕ್ಷೇಪಾರ್ಹವಾಗಿದೆ. ಈ ಕುರಿತು ಮಠಾಧೀಶರು ಜನರಿಗೆ ಪ್ರಚೋದನೆ ನಿಡುತ್ತಿರುವುದು ವಿಷಾಧನೀಯ ಸಂಗತಿಯಾಗಿದೆ. ಶ್ರೀಕ್ಷೇತ್ರಗಳ ಪರಂಪರೆ ಮತ್ತು ಅಸ್ಮಿತೆಯನ್ನು ಉಳಿಸಿಕೊಂಡು ಪ್ರಾಧಿಕಾರ ರಚಿಸಲಿ ಎಂದರು.
