ಪ್ರಕರಣವೇನು?: 20 ವರ್ಷದ ಹಿಂದೆ ಮುನಿರಾಜು, ಗೀತಾ ಮದುವೆಯಾಗಿದ್ದು, ಪಿಯುಸಿ ವ್ಯಾಸಂಗ ಮಾಡುತ್ತಿರುವ ಪುತ್ರನಿದ್ದಾನೆ. ಖಾಸಗಿ ಕಂಪನಿಯಲ್ಲಿ ಉದ್ಯೋಗ ಮಾಡುತ್ತಿದ್ದ ಮುನಿರಾಜು, ತಮ್ಮೇನಹಳ್ಳಿಯಲ್ಲಿ ವಾಸವಿದ್ದು, ಆ.7ರಂದು ಮದ್ಯ ಸೇವನೆ ಮಾಡಿ ಬಂದು ರಾತ್ರಿ 10ಗಂಟೆ ಸುಮಾರಿನಲ್ಲಿ ಗೀತಾಗೆ ಅಶ್ಲೀಲ ವಿಡಿಯೋ ತೋರಿಸಿ ಅಸಹ್ಯವಾಗಿ ವರ್ತಿಸಿದ್ದ. ಪತ್ನಿ ನಿರಾಕರಿಸಿದಕ್ಕೆ ಕೋಪಗೊಂಡು ಹಲ್ಲೆಯನ್ನೂ ಮಾಡಿದ್ದ. ಬಳಿಕ ಮಗ ಮಧ್ಯಪ್ರವೇಶ ಮಾಡಿ ಜಗಳ ನಿಯಂತ್ರಣ ಮಾಡಿದ್ದು, ಮಗನ ಮೇಲೂ ಮುನಿರಾಜು ಹಲ್ಲೆ ಮಾಡಿದ್ದಾನೆ. ಬಳಿಕ ಇಬ್ಬರೂ ಸೇರಿಕೊಂಡು ದೊಣ್ಣೆಯಿಂದ ತಲೆಗೆ ಹೊಡೆದು ಮನೆಯಿಂದ ಹಾಕಿದ್ದಾರೆ. ಗಾಯಗೊಂಡ ಮುನಿರಾಜು ಗ್ರಾಮದ ದೇವಾಲಯ ಮುಂಭಾಗದಲ್ಲಿ ಮಲಗಿರುವುದನ್ನು ಕಂಡ ಸ್ಥಳೀಯರು ಹೆಸರಘಟ್ಟ ಬಳಿಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದರು. ಸ್ಥಳೀಯರು ಮಾದನಾಯಕನಹಳ್ಳಿ ಠಾಣೆಗೆ ಮಾಹಿತಿ ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಗೀತಾ ಹಾಗೂ ಆಕೆಯ ಮಗನನ್ನು ವಶಪಡಿಸಿಕೊಂಡಿದ್ದಾರೆ.
