ಕಸಾಪ ಜಿಲ್ಲಾಧ್ಯಕ್ಷ ಕೆ.ಎಸ್.ಸಿದ್ದಲಿಂಗಪ್ಪ ಮಾತನಾಡಿ, ಹಿಂಸೆಯನ್ನು ತ್ಯಜಿಸುವುದರಿಂದ ನೆಮ್ಮದಿಯ ಜೀವನ ಸಾಧ್ಯ ಎಂಬುದನ್ನು ಅಹಿಂಸೋ ಪರಮಧರ್ಮ@ ಎಂಬ ತತ್ವದ ಮೂಲಕ ಮಹಾವೀರರು ತೋರಿಸಿ ಕೊಟ್ಟಿದ್ದಾರೆ. ತಾವು ಹೇಳಿದಂತೆ ನಡೆದು ತೋರಿಸಿದ್ದಾರೆ. ಇಂದಿನ ಪ್ರಕ್ಷುಬ್ಧ ಜೀವನಕ್ಕೆ ಮಹಾವೀರರ ತತ್ವಗಳು ಮದ್ದಾಗಿವೆ ಎಂದರು. ಜೈನ ಮುನಿ ಶ್ರೀ ಭಾನುರತ್ನ ವಿಜಯಜೀ ಮಾತನಾಡಿ, ನೆಮ್ಮದಿ ಮತ್ತು ಶಾಂತಿಯ ಜೀವನಕ್ಕೆ ಅಗತ್ಯವಿರುವ ಐದು ಸೂತ್ರಗಳನ್ನು ಮಹಾವೀರರು ನೀಡಿದ್ದಾರೆ. ಅವುಗಳನ್ನು ನಾವು ಪಾಲಿಸಿದರೆ ಇಡೀ ವಿಶ್ವವೇ ಶಾಂತಿ, ನೆಮ್ಮದಿಯಿಂದ ಬದುಕಲು ಸಾಧ್ಯ ಎಂದರು. ಜೈನ ಮುನಿ ಶ್ರೀಹರ್ಷ ರತ್ನ ವಿಜಯಜೀ, ಚಿಕ್ಕಪೇಟೆ ಜಿನ ಮಂದಿರದ ಮುಖ್ಯಸ್ಥ ಬಾಹುಬಲಿ ಬಾಬು, ಕಾರ್ಯದರ್ಶಿ ಎಂ.ನಾಗರಾಜು, ಖಜಾಂಚಿ ಸುಬೋದ್ಕುಮಾರ್ ಜೈನ್, ಶ್ವೇತಾಂಬರ ಜೈನ ಸಮಾಜದ ಅಧ್ಯಕ್ಷ ಉತ್ತಮ ಜೈನ್, ಸಮಾಜದ ಮುಖಂಡರಾದ ಸುರೇಂದ್ರ ಷಾ, ಶುಬೋದ್ಕುಮಾರ್, ವಿನಯ ಜೈನ್ ಇತರರು ಇದ್ದರು. ಮಹಾವೀರರಜಯಂತಿ ಅಂಗವಾಗಿ ನಗರದ ಎಂ.ಜಿ.ರಸ್ತೆಯಿಂದ, ಶೀರಾಗೇಟ್ನ ಜಿಲ್ಲಾಧಿಕಾರಿ ಕಚೇರಿವರೆಗೆ ಶ್ವೇತಾಂಬರರು, ಚಿಕ್ಕಪೇಟೆಯಿಂದ ಬಿ.ಎಚ್.ರಸ್ತೆಯ ಜೈನಭವನದವರೆಗೆ ದಿಗಂಬರ್ ಸಮುದಾಯದ ಜನರು ಮಹಾವೀರರ ಮೆರವಣಿಗೆ ನಡೆಸಿದರು. ಎರಡು ಮೆರವಣಿಗೆಗಳು ಜಿಲ್ಲಾಧಿಕಾರಿ ಕಚೇರಿ ಬಳಿ
