ಪಟ್ಟಣದ ನದೀಮ್, ಸುಲೇಮಾನ್, ರೋಷನ್, ಮಾಜ್ ಖುರೇಶಿ, ಸುದೀಪ್ ಬಂಧಿತರು. ಇವರಿಂದ ನಾಲ್ಕು ಲಾಂಗ್ಗಳು ವಶಪಡಿಸಿಕೊಳ್ಳಲಾಗಿದೆ. ತಸ್ಲೀಮ್ ಎಂಬ ಮಹಿಳೆ ಪವಿತ್ರರಾಜು ಎಂಬುವರ ಮನೆ ಬಾಡಿಗೆ ಪಡೆದು ವಾಸವಿದ್ದು, ಮನೆ ಖಾಲಿ ಮಾಡಿಕೊಡುವಂತೆ ಹಲವು ಬಾರಿ ತಿಳಿಸಿದ್ದರೂ ಸಬೂಬು ಹೇಳಿಕೊಂಡು ಕಾಲ ದೂಡುತ್ತಿದ್ದರು. ಇತ್ತೀಚೆಗೆ ಮಳೆಯಿಂದ ಮನೆಯ ಹಿಂಬದಿಯ ಗೋಡೆ ಕುಸಿದಿದ್ದರಿಂದ ಮಾಲೀಕ ಆ.28ರಂದು ಮನೆ ಪರಿಶೀಲನೆ ವೇಳೆ ಗಾಂಜಾ ಸೇವಿಸುತ್ತಿರುವುದು, ಮನೆಯೊಳಗೆ ಕಂದಕ ಕೊರೆದಿರುವುದು, ಜತೆಗೆ ನಾಲ್ಕು ಲಾಂಗುಗಳು ಪತ್ತೆಯಾಗಿದ್ದವು. ಅಂದು ಪೊಲೀಸರನ್ನು ಸ್ಥಳಕ್ಕೆ ಕರೆತರುವಷ್ಟರಲ್ಲಿ ಆರೋಪಿಗಳು ಬೈಕ್ನಲ್ಲಿ ಬಂದು ಮಾರಾಕಾಸ್ತ್ರಗಳನ್ನು ತೆಗೆದುಕೊಂಡು ಪರಾರಿಯಾಗಿದ್ದರು. ಆ.29 ರಂದು ಪವಿತ್ರರಾಜು ಪೊಲೀಸ್ ಠಾಣೆಗೆ ತೆರಳಿ ಲಿಖಿತ ದೂರು ನೀಡಿದ್ದರು.
