ತ್ಯಾಜ್ಯ ನೀರಿಗೆ ಸೇರಿ ಕೆರೆ ನೀರು ಕಲುಶಿತವಾಗಿ ಸೊಳ್ಳೆ, ಕೀಟಗಳ ವಾಸಸ್ಥಾನವಾಗಿದೆ. ಕೆರೆ ತುಂಬಿದಾಗ ಕೋಡಿ ನೀರು ಮತ್ತು ಕೃಷಿ ಚಟುವಟಿಕೆಗೆ ಅಚುಕಟ್ಟು ಪ್ರದೇಶದ ಕಾಲುವೆಗೆ ಸೋಪಾನದ ಮೂಲಕ ನೀರು ಹರಿಯುವುದರಿಂದ ಅಚ್ಚುಕಟ್ಟು ಪ್ರದೇಶದ ರೈತರು ನೀರಿನಲ್ಲಿ ಗದ್ದೆ ಕೆಲಸ ಮಾಡುವುದು, ಕೃಷಿ ಉಪಕರಣ ತೊಳೆಯುವುದು ಮತ್ತು ಜಾನುವಾರುಗಳು ಈ ಕಲುಶಿತವಾಗಿರುವ ನೀರನ್ನೇ ಕುಡಿಯುವುದರಿಂದ ರೋಗ ಹರಡುವ ಭೀತಿ ಕಾಡುತ್ತಿದೆ. ಹಿಂದೆ ಚಿಕ್ಕ ಸೋಪಾನದಲ್ಲಿ ಕಲ್ಲಿನ ಮೆಟ್ಟಿಲುಗಳ ವ್ಯವಸ್ಥೆ ಇದ್ದು, ಗ್ರಾಮದಲ್ಲಿ ನಡೆಯುವ ಧಾರ್ಮಿಕ ಕಾರ್ಯಕ್ರಮ, ಶುಭ ಸಮಾರಂಭಗಳಿಗೆ ಪೂಜಾ ಕಾರ್ಯಗಳ ಸ್ಥಳವಾಗಿ, ಹಬ್ಬಗಳಲ್ಲಿ ರೈತರು ಕೃಷಿ ಉಪಕರಣ, ಜಾನುವಾರುಗಳನ್ನು ತೊಳೆಯುವುದರ ಜತೆಗೆ ಪಕ್ಕದಲ್ಲಿರುವ ಗ್ರಾಮ ದೇವತೆ ದೇವಸ್ಥಾನದ ಪೂಜಾ ಕಾರ್ಯಗಳಿಗೆ ನೀರು ಉಪಯೋಗಿಸುತ್ತಿದ್ದರು. ಆದರೆ ಈಗ ಈ ನೀರು ಸಂಪೂರ್ಣ ಕಲುಶಿತಗೊಂಡು ಬಳಕೆಗೆ ಯೋಗ್ಯವಾಗಿಲ್ಲ. ಪಕ್ಕದಲ್ಲಿಯೇ ಇರುವ ಮಂಟಪದಲ್ಲಿ ಭಕ್ತರು ಅಡುಗೆ ಮಾಡಿ ಹರಕೆ ತೀರಿಸುತ್ತಿದ್ದು, ನಂತರ ದಿನಗಳಲ್ಲಿ ಮರುನಿಮಾರ್ಣ ಮಾಡಲು ಮಂಟಪ, ಮೆಟ್ಟಿಲು ತೆರವುಗೊಳಿಸಿ ವರ್ಷಗಳೆ ಕಳೆದರು ಕೆಲಸ ಪ್ರಾರಂಭವಾಗದ ಕಾರಣ ಗಿಡ, ಗೆಂಟೆಗಳು ಬೆಳೆದು, ಕಸಕಡ್ಡಿ ಮತ್ತು ತ್ಯಾಜ್ಯ ಹಾಕುವ ಜಾಗವಾಗಿದೆ. ಸಾಕಷ್ಟು ಸಲ ಸಂಭಂದಪಟ್ಟ ಇಲಾಖೆ ಹಾಗೂ ಅಧಿಕಾರಿಗಳಿಗೆ ಅಭಿವೃದ್ಧಿ ಪಡಿಸುವಂತೆ ಸರ್ಕಾರದವರೆಗೆ ಪ್ರಸ್ತಾವನೆ ಸಲ್ಲಿಸಿದರು ಯಾವುದೇ ಪ್ರಯೋಜನವಾಗಿಲ್ಲ, ಧಾರ್ಮಿಕ ಆಚರಣೆ ಸ್ಥಳ ಕಣ್ಮರೆಯಾಗುವ ಮೊದಲು ಸಂಭಂದಪಟ್ಟ ಇಲಾಖೆ ಅಧಿಕಾರಿಗಳು ಹಾಗೂ ಸ್ಥಳಿಯ ಜನಪ್ರತಿನಿಧಿಗಳು ಸೂಕ್ತ ಕ್ರಮವಹಿಸಿ ಸಾರ್ವಜನಿಕರ ಉಪಯೋಗಕ್ಕೆ ಬರುವಂತೆ ಸೂಕ್ತ ಕ್ರಮಕೈಗೊಳ್ಳಬೇಕಿದೆ.
