ವಿಜಯವಾಣಿ ಸುದ್ದಿಜಾಲ ಹೊಸಕೋಟೆ
ನೆತ್ತಿಕೊಂದು ಸೂರಿಗಾಗಿ ಆಗ್ರಹಿಸಿ ಕಸಬಾ ಹೋಬಳಿಯ ಕಣ್ಣೂರಹಳ್ಳಿಯಿಂದ ತಾಲೂಕು ಕಚೇರಿವರೆಗೆ ಕರ್ನಾಟಕ ಬಿಡುಗಡೆ ಚಿರತೆಗಳು ಜನಪರ ಮಹಾಸಂಘದಿಂದ ಸೋಮವಾರ ಕಾಲ್ನಡಿಗೆ ಜಾಥಾ ನಡೆಸಲಾಯಿತು.
ಸಂಘಟನೆ ಅಧ್ಯಕ್ಷ ಶಿವರಾಜ್ ನೇತೃತ್ವದಲ್ಲಿ ಸಾವಿರರು ಜನರು ಪ್ರತಿಭಟನಾ ಮೆರವಣಿಗೆಯಲ್ಲಿ ಪಾಲ್ಗೊಂಡಿದ್ದರು.
ಕಣ್ಣೂರಹಳ್ಳಿಯ ಸ.ನಂ 12 ಮತ್ತು 37ರಲ್ಲಿ 50 ಎಕರೆಗೂ ಹೆಚ್ಚು ಗೋಮಾಳ ಜಮೀನನ್ನ ಸ್ಥಳೀಯ ದಲಿತರ ಹೆಸರಿನಲ್ಲಿ ಹಾಗೂ ಗ್ರಾಮದ ಸಣ್ಣ ಮಕ್ಕಳು ಅಂದರೆ ಮೂರು ವರ್ಷ ದಿಂದ 12 ವರ್ಷದ ಮಕ್ಕಳ ಹೆಸರಿನಲ್ಲಿ ಅಕ್ರಮ ದಾಖಲೆ ಸೃಷ್ಟಿಸಿ ಆಂಧ್ರ ಮೂಲದ ಸುಧಾಕರ್ ರೆಡ್ಡಿ, ಮಮತಾ ರೆಡ್ಡಿ, ಮಸ್ತಾನ್ ರೆಡ್ಡಿ, ಸುನಿಲ್ ರೆಡ್ಡಿ ಮುಂತಾದ ಭೂಮಾಫಿಯಾದವರು ಪರಭಾರೆ ಮಾಡಿಕೊಂಡಿರುತ್ತಾರೆ. ಇದರಿಂದ ಸರ್ಕಾರದ ನೂರಾರು ಕೋಟಿ ಬೆಲೆಬಾಳುವ ಜಮೀನನ್ನು ಕಂಬಳಿಸಿದಂತಾಗಿದೆ ಎಂದು ಸಂಘಟನೆ ಅಧ್ಯಕ್ಷ ಶಿವರಾಜ್ ಆಪಾದಿಸಿದರು.
