ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ನೂತನ ಶಾಖೆ ಉದ್ಘಾಟಿಸಲಿದ್ದು, ಕೈಗಾರಿಕಾ ಸಚಿವ ಜಗದೀಶ ಶೆಟ್ಟರ್ ಯುಪಿಐ ಸೇವೆ ಉದ್ಘಾಟಿಸಲಿದ್ದಾರೆ. ಗೃಹ ಸಚಿವ ಬಸವರಾಜ ಬೊಮ್ಮಾಯಿ ಎ.ಟಿ.ಎಂ. ಉದ್ಘಾಟಿಸಲಿದ್ದು, ಸಹಕಾರ ಸಚಿವ ಎಸ್.ಟಿ. ಸೋಮಶೇಖರ ಮೊಬೈಲ್ ಆಪ್ ಬಿಡುಗಡೆ ಮಾಡುವರು. ಅತಿಥಿಗಳಾಗಿ ಶಾಸಕ ಎಚ್.ಕೆ. ಪಾಟೀಲ, ಸಹಕಾರ ಸಂಘಗಳ ಜಂಟಿ ನಿಬಂಧಕ ಎಂ.ಡಿ. ಮಲ್ಲೂರ, ಹುಡಾ ಅಧ್ಯಕ್ಷ ನಾಗೇಶ ಕಲಬುರ್ಗಿ, ಟಿ.ಎಂ. ಮೆಹರವಾಡೆ ಭಾಗವಹಿಸಲಿದ್ದಾರೆ ಎಂದರು. ಪುನಶ್ಚೇತನ ಮಂಡಳಿ ಬ್ಯಾಂಕ್ನ ಜವಾಬ್ದಾರಿ ವಹಿಸಿಕೊಂಡ ನಂತರ 2010ರಲ್ಲಿ 18 ಕೋಟಿ ರೂ. ಇದ್ದ ದುಡಿಯುವ ಬಂಡವಾಳ 2020ರಲ್ಲಿ 44 ಕೋಟಿ ರೂ.ಗೆ ಏರಿಕೆಯಾಗಿದೆ. ರಾಷ್ಟ್ರೀಕೃತ ಬ್ಯಾಂಕ್ಗಳು ಒದಗಿಸಿರುವ ಎಲ್ಲ ಸೌಲಭ್ಯಗಳನ್ನು ನಮ್ಮ ಬ್ಯಾಂಕ್ನ ಗ್ರಾಹಕರಿಗೆ ನೀಡುತ್ತಿರುವುದು ವಿಶೇಷ ಎಂದರು. ಬ್ಯಾಂಕ್ ವೈಸ್ ಚೇರ್ಮನ್ ನಾರಾಯಣ ಜರತಾರಘರ, ನಿರ್ದೇಶಕರಾದ ದೀಪಕ ಮಗಜಿಕೊಂಡಿ, ಕೃಷ್ಣ ಕಾಟಿಗರ, ಪ್ರಕಾಶ ಬುರಬುರೆ, ನಾರಾಯಣ ಖೋಡೆ, ವಸಂತಕುಮಾರ ಲದವಾ, ಸುರೇಶ ಭಾಂಡಗೆ, ರತ್ನಮಾಲಾ ಬದ್ದಿ, ಸರಳಾ ಭಾಂಡಗೆ, ಮ್ಯಾನೇಜರ್ ಸುನೀಲ ಹನುಮಸಾಗರ, ಇತರರು ಇದ್ದರು.
