ನೂತನ ವಿದ್ಯುತ್ ಲೈನ್ ನಿರ್ಮಾಣಕ್ಕೆ ವಿರೋಧ

ಚಿಕ್ಕಮಗಳೂರು: ಚಿಕ್ಕಮಗಳೂರು - ಮಲ್ಲಂದೂರು ಮಾರ್ಗದಲ್ಲಿ ಹಾಲಿ ಎಕ್ಸ್ಪ್ರೆಸ್ ವಿದ್ಯುತ್ ಲೈನ್ ಇದೆ. ಹಾಗಾಗಿ ಆಲ್ದೂರು - ಮಲ್ಲಂದೂರು ಹೊಸ ವಿದ್ಯುತ್ ಲೈನ್ ಪ್ರಸ್ತಾವನೆಯನ್ನು ಕೈಬಿಡಬೇಕು ಎಂದು ಕಾಫಿ ಬೆಳೆಗಾರ ರಾಜೇಂದ್ರ ಒತ್ತಾಯಿಸಿದರು.

ನಗರದ ಪ್ರೆಸ್‌ಕ್ಲಬ್‌ನಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಈ ಸಂಬAಧ ಚಿಕ್ಕಮಗಳೂರು ಉಪ ವಿಭಾಗಾಧಿಕಾರಿಗಳಿಗೆ ಸಭೆಯಲ್ಲಿ ಸ್ಪಷ್ಟವಾಗಿ ಹೇಳಲಾಗಿದೆ. ಇದೊಂದು ಅವೈಜ್ಞಾನಿಕ ನಿರ್ಧಾರ ಎಂದು ದೂರಿದರು.

ಆಲ್ದೂರಿನಲ್ಲಿರುವ ವಿದ್ಯುತ್ ವಿತರಣಾ ಉಪ ಕೇಂದ್ರದಿAದ ಮಲ್ಲಂದೂರಿನಲ್ಲಿರುವ ವಿದ್ಯುತ್ ಉಪ ಕೇಂದ್ರಕ್ಕೆ ಸಂಪರ್ಕ ಕಲ್ಪಿಸಲು ಉz್ದೆÃಶಿಸಲಾಗಿದೆ. ಈ ಎರಡು ಸ್ಥಳಗಳ ನಡುವಿನ ಅಂತರ ೨೧.೬೮ ಕಿ.ಮೀ. ಇಷ್ಟು ದೂರದವರೆಗೆ ೬೦ ಅಡಿ ಅಗಲ ವಿದ್ಯುತ್ ಲೈನ್ ಹಾದು ಹೋಗಲಿದೆ. ಒಂದೊAದು ಪಿಲ್ಲರ್ ನಿರ್ಮಾಣಕ್ಕೆ ೫ ಗುಂಟೆ ಜಾಗವನ್ನು ಬಳಸಿಕೊಳ್ಳಲಾಗುತ್ತದೆ. ಇದರಿಂದ ಕಾಫಿ ತೋಟಗಳು ಮಾತ್ರವಲ್ಲ, ಅಪಾರ ಪ್ರಮಾಣದಲ್ಲಿ ಕಾಡು ನಾಶವಾಗಲಿದೆ ಎಂದು ಹೇಳಿದರು.

ಸಾರ್ವಜನಿಕರಿಗೆ ಯೋಜನೆಯ ಬಗ್ಗೆ ಮಾಹಿತಿ ನೀಡದೆ ಜಾರಿಗೆ ತರಲಾಗುತ್ತಿದೆ. ಈ ವಿದ್ಯುತ್ ಲೈನ್ ಭದ್ರಾ ಅಭಯಾರಣ್ಯದೊಳಗೆ ೪ ಕಿ.ಮೀ. ಹಾದು ಹೋಗಲಿದೆ. ಇದರಿಂದ ಪ್ರಾಣಿ ಪಕ್ಷಿಗಳಿಗೆ ಹಾನಿ ಉಂಟಾಗಲಿದೆ. ಇದೊಂದು ಅತಿ ಸೂಕ್ಷö್ಮವಾದ ಪ್ರದೇಶ. ಹಲವಾರು ಜಾತಿಯ ಕಾಡು ಮರ, ಕಾಫಿ, ಮೆಣಸು, ಅಡಕೆ ಮರಗಳಿಗೆ ತುಂಬಾ ಹಾನಿಯಾಗಲಿದೆ ಎಂದರು.

ಈ ಯೋಜನೆಯಿಂದಾಗಿ ಕೃಷಿಯೇತರ ಚಟುವಟಿಕೆ ಹೆಚ್ಚಾಗಲಿದೆ. ರೈತರಿಗೆ ಸರಿಯಾದ ಮಾಹಿತಿಯನ್ನು ನೀಡದೆ ಅವರ ಬ್ಯಾಂಕ್ ಖಾತೆಗೆ ಪರಿಹಾರ ಧನ ಆನ್ ಲೈನ್ ಮೂಲಕ ಜಮಾ ಮಾಡುವುದಾಗಿ ಹೇಳಿ ಕೆಪಿಟಿಸಿಎಲ್ ಅಧಿಕಾರಿಗಳು ಆಧಾರ್ ಕಾರ್ಡ್, ಪಾನ್ ಕಾರ್ಡ್, ಪಾಸ್ ಬುಕ್‌ಗಳ ನಕಲು ಪಡೆದುಕೊಂಡಿದ್ದಾರೆ. ಕೂಡಲೇ ಈ ಅವೈಜ್ಞಾನಿಕವಾದ ಯೋಜನೆಯನ್ನು ಕೈಬಿಡಬೇಕು ಎಂದು ಒತ್ತಾಯಿಸಿದರು.

ಸುದ್ದಿಗೋಷ್ಠಿಯಲ್ಲಿ ಕಾಫಿ ಬೆಳೆಗಾರರಾದ ಮಲ್ಲೇಶ್, ಶ್ರೀದೇವ್ ಹುಲಿಕೆರೆ, ನಟರಾಜ್, ಲತೀಶ್‌ಕುಮಾರ್, ಶಿವಕುಮಾರ್ ಹಾಗೂ ಹುಣಸೇಮಕ್ಕಿ ಲಕ್ಷö್ಮಣ್ ಉಪಸ್ಥಿತರಿದ್ದರು.