ನೀರಿನ ಸಮಸ್ಯೆ ನಿವಾರಣೆಗೆ 20.50 ಕೋಟಿ ರೂ. ಪ್ರಸ್ತಾವನೆ

ನಿಪ್ಪಾಣಿ: ನಗರದ ನೀರಿನ ಸಮಸ್ಯೆ ನಿವಾರಣೆಗಾಗಿ ಅಗತ್ಯ ಕಾಮಗಾರಿ ಕೈಗೊಳ್ಳಲು ಅಮೃತ್​&2 ಯೋಜನೆಯಡಿ 20.50 ಕೋಟಿ ರೂ. ಮೊತ್ತದ ಪ್ರಸ್ತಾವನೆ ಸರ್ಕಾರಕ್ಕೆ ಸಲ್ಲಿಸಲಾಗಿದೆ. ಮೂರು ಓವರ್​ ಹೆಡ್​ ಟ್ಯಾಂಕ್​, ನೀರು ಶುದ್ಧೀಕರಣ ವ್ಯವಸ್ಥೆ ಹಾಗೂ ಹೊಸ ಪೈಪ್​ಲೈನ್​ ಅಳವಡಿಸಲು ಶ್ರೀ ಅನುಮೋದನೆ ದೊರೆಯುವ ವಿಶ್ವಾಸ ಇದೆ ಎಂದು ಶಾಸಕಿ ಶಶಿಕಲಾ ಜೊಲ್ಲೆ ಹೇಳಿದರು.

ನಗರದಲ್ಲಿ ಭಾನುವಾರ ಏರ್ಪಡಿಸಿದ್ದ ಸುದ್ದಿಗೋಷ್ಠಿಯಲ್ಲಿ ಅವರು ಮಾತನಾಡಿ, ಈಗಾಗಲೇ ನಗರಸಭೆ ಪೌರಾಯುಕ್ತ ಜಗದೀಶ ಹುಲಗೆಜ್ಜಿ ಮತ್ತು ಅಧಿಕಾರಿಗಳು ಹಾಗೂ ಜೈನ್​ ನೀರಾವರಿ ಸಂಸ್ಥೆಯ ಅಧಿಕಾರಿಗಳೊಂದಿಗೆ ಸಭೆ ನಡೆಸಿ ಮಾತನಾಡಿದ್ದೇನೆ. ಕೇಂದ್ರ ಸರ್ಕಾರ ಶೇ.50, ರಾಜ್ಯ ಸರ್ಕಾರ ಶೇ.40 ಹಾಗೂ ನಗರಸಭೆ ಶೇ.10 ಅನುದಾನ ನೀಡಲಿದೆ. ದೇವಚಂದ್​ ಕಾಲೇಜು ಬಳಿಯ ಬಾಳುಮಾಮಾ ಪಾರ್ಕ್​ನಲ್ಲಿ 10 ಲ ಲೀಟರ್​ ಸಾಮರ್ಥ್ಯದ ಟ್ಯಾಂಕ್​ ಮತ್ತು 5 ಲ ಲೀಟರ್​ ಸಾಮರ್ಥ್ಯದ ಎಪಿಎಂಸಿ ಬಳಿ ಟ್ಯಾಂಕ್​ ಮತ್ತು ಎಂಬಿಆರ್​ ಟ್ಯಾಂಕ್​ ಬಳಿ 10 ಲ ಲೀಟರ್​ ಸಾಮರ್ಥ್ಯದ ಟ್ಯಾಂಕ್​ ಸ್ಥಾಪಿಸಲಾಗುವುದು ಎಂದರು.

ನಗರದಲ್ಲಿನ ನೀರು ಸರಬರಾಜು ವ್ಯವಸ್ಥೆ ಸಂಪೂರ್ಣ ವಿವರ ತಿಳಿಯಲು ಗಣಕಯಂತ್ರ ಅಳವಡಿಸಲಾಗುವುದು. ಜವಾಹರ ಕೆರೆ ಕೆಸರು ತೆಗೆಯಲು ಶ್ರಮಿಸಲಾಗುವುದು. ವೇದಗಂಗಾ ನದಿಯಿಂದ ಜವಾಹರ ಕೆರೆವರೆಗೆ ಮತ್ತೆ 3 ಅಡಿ ಪೆಪ್​ಲೆನ್​ ಹಾಕಿ ನೀರು ಸಂಗ್ರಹಿಸಲು ಕ್ರಮ ಕೈಗೊಳ್ಳಲಾಗುವುದು. ದೂಧಗಂಗಾ ನದಿಯಿಂದಲೂ ನಗರಕ್ಕೆ ನೀರು ಪೂರೈಸಲು ಪ್ರಸ್ತಾವನೆ ಸಲ್ಲಿಸುವಂತೆ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದರು.
ನಗರಸಭೆ ಮಾಜಿ ಅಧ್ಯ ಜಯವಂತ ಭಾಟಲೆ, ರಾಜು ಗುಂದೇಶಾ, ಮಾಜಿ ಉಪಾಧ್ಯ ಸುನೀಲ ಪಾಟೀಲ, ನೀತಾ ಬಾಗಡೆ, ಸದಸ್ಯರು ಉಪಸ್ಥಿತರಿದ್ದರು.