ತಾಯಿ ಪಾರು, ಮಾಂಸಾಹಾರ ತ್ಯಾಗ: ಹದಗೆಟ್ಟ ಆರೋಗ್ಯ ಸ್ಥಿತಿಯಲ್ಲಿ ನಲುಗುತ್ತಿದ್ದ ತಾಯಿಯ ಸಂಕಷ್ಟ ನೋಡಲಾಗದೆ ಸತ್ಯಸಾಯಿ ಸ್ಮರಣೆ ಮಾಡಿದ ಬಳಿಕ ನೋವು ದೂರವಾದ ಅನುಭವವನ್ನು ಸಿಎಂ ಬಸವರಾಜ ಬೊಮ್ಮಾಯಿ ಹಂಚಿಕೊಂಡರು. 1998ರಲ್ಲಿ ವೈಟ್ಫೀಲ್ಡ್ನಲ್ಲಿ ಪುಟ್ಟಪರ್ತಿ ಸತ್ಯಸಾಯಿ ಬಾಬಾರ ದರ್ಶನವಾಯಿತು. ಸಸ್ಯಾಹಾರ ಮತ್ತು ಮಾಂಸಾಹಾರ ಸೇವಿಸುವವರ ನಡುವಿನ ಹೋಲಿಕೆಯ ಬಾಬಾ ಅವರ ಆಧ್ಯಾತ್ಮಿಕ ಪುಸ್ತಕವನ್ನು ಓದಿದೆ, ಅಂದಿನಿಂದಲೇ ಮಾಂಸಾಹಾರ ಸೇವನೆ ಕೈಬಿಟ್ಟೆ ಎಂದರು. ತಾಯಿಯ ಆರೋಗ್ಯ ಸುಧಾರಣೆಗೆ ಬಾಬಾರನ್ನು ಸ್ಮರಿಸಿ, ಪೂಜೆ ಮಾಡಿದಾಗ ಸಮಸ್ಯೆ ದೂರವಾಯಿತು. ಇದು ನಿಜಕ್ಕೂ ಪವಾಡವೇ ಎಂದ ಸಿಎಂ, ಸೇವೆಯಲ್ಲಿಯೇ ದೈವಭಕ್ತಿಯನ್ನು ಎಲ್ಲರಿಗೂ ಉಣಬಡಿಸಿದ ಮಹಾನ್ ಪುರುಷರು ಸತ್ಯಸಾಯಿಬಾಬಾ ಎಂದು ಬಣ್ಣಿಸಿದರು.
