ಕನ್ನಡ ಶಾಲೆ ಉಳಿಸೋಣ: ತಾಲೂಕು ವ್ಯಾಪ್ತಿಯಲ್ಲಿ ಅಳಿವಿನಂಚಿನಲ್ಲಿರುವ ಕನ್ನಡ ಮಾಧ್ಯಮದ ಸರ್ಕಾರಿ ಶಾಲೆಗಳನ್ನು ಉಳಿಸಿ ಬೆಳೆಸುವ ನಿಟ್ಟಿನಲ್ಲಿ ಕನ್ನಡಿಗರ ಇಚ್ಛಾಶಕ್ತಿ ಹೋರಾಟಗಳು ಇನ್ನಷ್ಟು ಹೆಚ್ಚಾಗಬೇಕು. ಗಡಿ ಭಾಗದ ಶಾಲಾ-ಕಾಲೇಜುಗಳಲ್ಲಿ ವ್ಯಾಸಂಗ ಮಾಡುತ್ತಿರುವ ಕನ್ನಡ ಮಾಧ್ಯಮದ ಕಲಿಕಾರ್ಥಿಗಳಿಗೆ ಪ್ರೋತ್ಸಾಹ ನೀಡಬೇಕು. ತಾಲೂಕು ಕೈಗಾರಿಕಾ ಪ್ರದೇಶವಾಗಿದ್ದು ಸ್ಥಳೀಯರಿಗೆ ಮೊದಲ ಆದ್ಯತೆ ಆಗಬೇಕು, ಗ್ರಾಮೀಣ ಜೀವನ ಶೈಲಿಗೆ ಉತ್ತೇಜನ ನೀಡಿ ಕುಲಕಸುಬಿನ ಪರಂಪರೆ ಪ್ರೋತ್ಸಾಹಿಸುವುದೂ ಸೇರಿ ವಿವಿಧ 18 ಬೇಡಿಕೆಗಳನ್ನು ಸರ್ಕಾರದ ಮುಂದಿಟ್ಟಿದ್ದು, ಇದನ್ನು ಪೂರೈಸುವ ನಿಟ್ಟಿನಲ್ಲಿ ಕೆಲಸ ಆಗಬೇಕೆಂದು ಸಮ್ಮೇಳನ ಅಧ್ಯಕ್ಷರು ಮನವಿ ಮಾಡಿದರು. ಆನೇಕಲ್ ಹಿರಿಯ ಸಾಹಿತಿ ಜಗನ್ನಾಥರಾವ್ ಅವರ ‘ನಿತೋತ್ಸವ ಚೇತನ ನಿಸಾರ್ ಸಾರ್ ಪುಸ್ತಕ’, ಹಾಗೂ ಮಧುರ ಚಂದ್ರಶೇಖರ್ ಅವರ ‘ಪುಟಾಣಿ ಮಕ್ಕಳ ನೀತಿ ಕಥೆಗಳು’ ಪುಸ್ತಕವನ್ನು ವೇದಿಕೆಯಲ್ಲಿ ಬಿಡುಗಡೆ ಮಾಡಲಾಯಿತು.
ಆನೇಕಲ್ನ ಮೊದಲ ಸಾಹಿತಿ ಮುಮ್ಮಡಿ ತಮ್ಮೇಗೌಡರು: ಜಿಲ್ಲಾ ಸಾಹಿತ್ಯ ಪರಿಷತ್ ಅಧ್ಯಕ್ಷ ಪ್ರಕಾಶ್ಮೂರ್ತಿ ಮಾತನಾಡಿ, ಆನೇಕಲ್ನ ನಾಡ ಪ್ರಭುವಾಗಿ ಮುಮ್ಮಡಿ ತಮ್ಮೇಗೌಡರು ಆನೇಕಲ್ನ ಮೊದಲ ಸಾಹಿತಿ ಆಗಿ ಹೊರಹೊಮ್ಮಿ, ಕನ್ನಡ ನಾಡು-ನುಡಿ ಉಳಿಸಿ ಬೆಳೆಸಲು ತಮ್ಮದೇ ಆದ ಕೊಡುಗೆ ಕೊಟ್ಟಿದ್ದಾರೆ. ಕನ್ನಡ ನಿತ್ಯೋತ್ಸವ ಆಗಬೇಕಾದರೆ ಕನ್ನಡ ನಿರ್ಲಕ್ಷಿಸುತ್ತಾರೆ ಎಂಬ ಪದವನ್ನೇ ನಾವು ದೂರ ಮಾಡಬೇಕು, ಹೀಗೆ ಮಾಡಬೇಕಾದರೆ ಕನ್ನಡ ರಾಜ್ಯೋತ್ಸವ, ಕನ್ನಡ ಹಬ್ಬಗಳನ್ನು ಅದ್ದೂರಿಯಾಗಿ ಆಚರಿಸಬೇಕು ಎಂದರು. ಪುರಸಭೆ ಅಧ್ಯಕ್ಷ ಪದ್ಮನಾಭ್, ಕ್ಷೇತ ್ರಶಿಕ್ಷಣಾಧಿಕಾರಿ ಜಯಲಕ್ಷ್ಮಮ್ಮ, ಹಿರಿಯ ಮುಖಂಡ ವಸಂತರಾಜು, ರಾಷ್ಟ್ರೀಯ ಯುವ ಪ್ರಶಸ್ತಿ ವಿಜೇತೆ ನಾಗವೇಣಿ, ಹಿರಿಯ ಸಾಹಿತಿ, ಬರಹಗಾರ ಜಗನ್ನಾಥರಾವ್ ಬಹುಳೆ, ಹಿರಿಯ ಮುಖಂಡರಾದ ಯಂಗಾರೆಡ್ಡಿ, ಜಯಣ್ಣ, ಮುಖಂಡರಾದ ಡಿ ವೆಂಕಟೇಶ್, ಪುರುಷೋತ್ತಮ, ತಾಲೂಕು ಆರೋಗ್ಯಾಧಿಕಾರಿ ರವಿ, ಖ್ಯಾತ ವೈದ್ಯ ಡಾ.ಸಿ.ಬಿ. ಮೋಹನ್, ಅತ್ತಿಬೆಲೆ ಪಬ್ಲಿಕ್ ಶಾಲೆ ಮುಖ್ಯಸ್ಥ ಮುನಿರಾಜ್, ಪುರಸಭೆ ಸದಸ್ಯ ರಾಜೇಂದ್ರ ಪ್ರಸಾದ್, ಕಸಾಪ ಗೌರವಕಾರ್ಯದರ್ಶಿಗಳಾದ ಗೋವಿಂದ ರಾಜು, ಮಹೇಶ್ ಊಗಿನಳ್ಳಿ, ಅಪ್ಸರ್ ಆಲಿಖಾನ್, ಕರವೇ ಲೋಕೇಶ್ಗೌಡ, ಮಲ್ಲಿಕಾರ್ಜುನ್, ತಾಲೂಕು ಅಧ್ಯಕ್ಷ ಮಂಜುನಾಥ, ವ್ಯಾಪರಿನಾರಾಯಣ್, ಗಂಧದನಾಡು ಜನಪರ ವೇದಿಕೆ ವಿಜಯರಾಂ, ಟಿ.ಕೆ.ವಿದಾತ್, ನಿಸರ್ಗ ದೇವರಾಜ್ನಾಯಕ್, ಪ್ರಾಥಮಿಕ ಶಾಲೆಯ ಶಿಕ್ಷಕರ ಸಂಘದ ಅಧ್ಯಕ್ಷ ಕೆ.ಚಂದ್ರಶೇಖರ್, ಸ್ಪೂರ್ತಿ ಶಿಕ್ಷಣ ಸಂಸ್ಥೆಗಳ ಮುಖ್ಯಸ್ಥ ಗೋಪಾಲರೆಡ್ಡಿ, ಪವಿತ್ರ, ಯುವ ಮುಖಂಡ ಹಾ.ವೆ. ಅಕ್ಷಯ್, ಡಾ.ವೈಲಾಯ, ಬೆಂಗಳೂರು ದಕ್ಷಿಣ ವಿಧಾನಸಭಾ ಕ್ಷೇತ್ರದ ಮಾಜಿ ಅಧ್ಯಕ್ಷ ದನಂಜಯ್ಯ, ಮಾಯಸಂದ್ರ ನಾಗರಾಜು ಮೊದಲಾದವರು ಹಾಜರಿದ್ದರು.
